Ministerstva enierhietyki Biełarusi nie atrymlivała ad «Hazprama» aficyjnych apaviaščeńniaŭ ab mahčymym spynieńni pastavak rasijskaha hazu ŭ Biełaruś z 1 lipienia 2020 hoda, paviedamili «Interfaks-Zachad» u pres-słužbie ŭstanovy.
«Aficyjnaha lista ab spynieńni pastavak hazu z 1 lipienia dla biełaruskich spažyŭcoŭ ad PAT «Hazpram» u Minenierha nie pastupała», — skazaŭ pradstaŭnik pres-słužby, kamientujučy pa prośbie ahienctva infarmacyju, raspaŭsiudžanuju ŭ šerahu telehram-kanałaŭ.
«Ministerstva enierhietyki zacikaŭlena ŭ praciahu pieramovaŭ z rasijskim bokam pa ŭmovach pastavak hazu i nacelena na kanstruktyŭny dyjałoh», — dadali ŭ pres-słužbie viedamstva.
Jak paviedamlałasia, u kancy maja kiraŭnik «Hazprama» Alaksiej Miler zajaviŭ, što biełaruski bok nazapasiŭ doŭh za pastaŭki hazu z pačatku hetaha hoda ŭ pamiery $165,57 młn. U Minenierha Biełarusi ŭ svaju čarhu zajavili ab adsutnaści zapazyčanaści i kanstatavali roznahałośsi pa vyznačeńni koštu pastaŭlanaha pryrodnaha hazu z ulikam jaho kałaryjnaści.
Paśla pieramovaŭ ź Minenierha RF i «Hazpramam» 9 červienia Minenierha Biełarusi paćvierdziła svaju pazicyju i zapytała ŭ rasijskaha boku mietodyku vyznačeńnia faktyčnaj siaredniamiesiačnaj ciepłyni zharańnia pryrodnaha hazu ź mietrałahičnym paćviardžeńniem jaje prydatnaści ŭ adpaviednaści z zakanadaŭstvam Biełarusi.
Ciapier čytajuć
Unučki Łukašenki paśpiachova zamacavalisia ŭ Rasii7
Kamientary