Uviečary 5 lipienia apierataru kantakt-centra Biełaruskaj čyhunki patelefanavaŭ mužčyna i paviedamiŭ, što ŭ Baranavickim rajonie rychtujecca nadzvyčajnaje zdareńnie. Sa słoŭ abanienta, nadzvyčajnaje zdareńnie pavinna było adbycca na ŭčastku čyhunki pamiž rajcentram i stancyjaj Mordzičy. U dalejšym anałahičnyja zvanki pastupili apierataram inšych ekstranych słužbaŭ u Minsku i Baranavičach, paviedamlaje pres-słužba MUS.
Paznačany ŭčastak šlachu abśledavali sapiory — vybuchovyja pryłady i vybuchovaniebiaśpiečnyja rečyvy jany nie vyjavili.
Apieratyŭniki transpartnaj milicyi ŭstanavili asobu mužčyny, jaki paviedamlaŭ ab niebiaśpiecy. Im akazaŭsia 34-hadovy žychar Baranavickaha rajona, jaki znachodziŭsia ŭ stanie ałkaholnaha apjanieńnia. Jaho zatrymali i źmiaścili ŭ IČU.
Ciapier śledčyja pravodziać pravierku i ŭ najbližejšy čas daduć pravavuju acenku dziejańniam viaskoŭca.
Viadoma, što za apošnija dva hady jon dvojčy pryciahvaŭsia da administracyjnaj adkaznaści za zahadzia łžyvaje paviedamleńnie, a taksama za abrazu milicyjanta i niepadparadkavańnie jaho zakonnamu patrabavańniu.
Kamientary