MZS: Biełaruski narod sam zrobić svoj vybar, biez padkazki «dobrazyčliŭcaŭ» zvonku
Ni Jeŭrasajuz, ni chto-niebudź inšy z boku nie budzie vyznačać chod vybarčaha pracesu ŭ Biełarusi. Pra heta zajaviŭ načalnik upraŭleńnia infarmacyi i ličbavaj dypłamatyi — pres-sakratar MZS Anatol Hłaz, paviedamlaje BIEŁTA.
«Biełaruś, napeŭna, pakul jašče nie kraina idealnaj demakratyi, ale voś užo sapraŭdy šmat hadoŭ suvierennaja dziaržava. Tamu dla nas vielmi dziŭna, kali pradstaŭnik Jeŭrapiejskaha sajuza, jaki pastajanna dekłaruje padtrymku našaj niezaležnaści, pačynaje raptam vystupać u roli vonkavaha kiraŭnika, vyznačać vinavatych i niavinnych i dyktavać, što i jak treba rabić kiraŭnictvu Biełarusi, a taksama pahražać sankcyjami. Praŭda, pa vopycie mahu skazać, što takija nastaŭniki zvyčajna chutka zabyvajuć pra svaje ŭroki, kali havorka idzie pra naviadzieńnie paradku i zakonnaści va ŭłasnych krainach», — padkreśliŭ Anatol Hłaz.
Aficyjny pradstaŭnik MZS nahadaŭ: Biełaruś sapraŭdy hetak ža, jak i ŭsie inšyja suvierennyja dziaržavy, pravodzić vybary dla siabie. «Biełaruski narod sam zrobić svoj vybar biez padkazki «dobrazyčliŭcaŭ» zvonku.
Ni Jeŭrasajuz, ni chto-niebudź inšy z boku nie budzie vyznačać chod vybarčaha pracesu ŭ našaj krainie, — zajaviŭ pres-sakratar źniešniepalityčnaha viedamstva.
— My adkrytyja (i dakazvajem heta na praktycy) dla raŭnapraŭnaha i ŭzajemapavažlivaha dyjałohu z našymi jeŭrapiejskimi partniorami. I taki dyjałoh idzie, prytym z pazityŭnymi vynikami dla kožnaha boku, z pramym efiektam dla hramadzian Biełarusi i ES. Ale heta nie značyć, što my pacierpim cisk na našu sudovuju, pravaachoŭnuju i vybarčuju sistemy, tym bolš pahrozy, adkul by jany ni zychodzili».
Bondarava zachacieła dvuchmoŭja, jak u Finlandyi. My taksama za3
Kamientary