Kali Biełaruś była b u ES, atrymała b 8 miljardaŭ jeŭra. Krainy ES damovilisia pra biudžet i sumu subsidyj
Dziaržavy Jeŭrapiejskaha Sajuza damovilisia ab pamiery pakieta dapamohi pa adnaŭleńni ekanomiki krain, paciarpiełych ad karanavirusa. Vydzielena pavinna być nie 500 miljardaŭ jeŭra, jak patrabavali Hiermanija i Francyja, a 390 miljardaŭ, paviedamili jeŭrapiejskija dypłamaty ŭviečary ŭ paniadziełak, 20 lipienia, u čaćviorty dzień samitu Jeŭrasajuza, jaki praciahvajecca ŭ Brusieli, piša dw.com.
Tym nie mienš, i heta vializnaja suma. Kali b Biełaruś była ŭ ES, jak našy susiedzi, naša kraina mahła b raźličvać u ramkach hetaj prahramy prykładna na 8 miljardaŭ jeŭra tolki subsidyj. Akramia taho, prahrama praduhledžvaje kredytavańnie. Biełaruś mahła b raźličvać na 7 młrd jeŭra tannych kredytaŭ.
Za skaračeńnie sumy subsidyj, jakija nie padlahajuć viartańniu, vystupali «biudžetnyja kansiervatary» — Aŭstryja, Danija, Niderłandy, Finlandyja i Šviecyja. Pieršapačatkova jany nastojvali na pradastaŭleńni tolki kredytaŭ, a nie subsidyj, kab schilić takija krainy, jak Italija, da bolš śmiełaj palityki reformaŭ.
Asablivaj krytyki płany dapamohi zaznali ŭ tym liku i tamu, što ES upieršyniu choča ŭ vialikim abjomie ŭziać na siabie sumiesnyja daŭhavyja abaviazalnictvy dla prahramy inviestycyj i stymulavańnia ekanomiki.
Nadzvyčajny samit Jeŭrasajuza doŭžyŭsia ź piatnicy, 17 lipienia, choć pieršapačatkova byŭ zapłanavany tolki na dva dni. Lidary 27 krain pavinny byli taksama damovicca ab doŭhaterminovym biudžecie ES na 2021—2027 hady.
Ahulny abjom zaćvierdžanaha na samicie siamihadovaha biudžetnaha płana ES i Fondu adnaŭleńnia ekanomiki Jeŭraźviazu składajuć €1,824 trłn — heta ŭdvaja bolš za papiaredni siamihadovy biudžet 2014—2020, € 959 młrd.
Da 30% usich biudžetnych vydatkaŭ ES pojduć na raźvićcio «čystych» ekałahičnych prajektaŭ.
Ciapier čytajuć
Usie biełaruskija banki pačnuć sačyć za miescaznachodžańniem klijentaŭ? Alfa-bank užo papiaredziŭ, admovicca niemahčyma2
Usie biełaruskija banki pačnuć sačyć za miescaznachodžańniem klijentaŭ? Alfa-bank užo papiaredziŭ, admovicca niemahčyma
Kala Safii ŭ Połacku pastavili pomnik lotčykam Ničyparčyku i Kukanienku. Ale navat nie samalot toj madeli, na jakoj jany zahinuli, a aerapłan stalinskaha času1818
Kamientary