Tramp: Hiermanija płacić Rasii miljardy za enierhanośbity, i my pavinny baranić Hiermaniju ad Rasii?
Amierykanski prezident Donald Tramp zajaviŭ u sieradu, što nie razumieje, čamu Złučanyja Štaty pavinny abaraniać FRH ad Rasii, piša tass.ru.
«Hiermanija płacić Rasii miljardy dalaraŭ u hod za enierhiju, i my pavinny abaraniać Hiermaniju ad Rasii? Što heta ŭvohule takoje?» — napisaŭ amierykanski lidar u tvitary, kamientujučy rašeńnie ab vyvadzie častki vajskovaha kantynhientu ZŠA z FRH.
Germany pays Russia billions of dollars a year for Energy, and we are supposed to protect Germany from Russia. What's that all about? Also, Germany is very delinquent in their 2% fee to NATO. We are therefore moving some troops out of Germany!
Pry hetym jon iznoŭ papraknuŭ Bierlin u tym, što FRH vydatkoŭvaje, na jahony pohlad, niedastatkova srodkaŭ na padtrymańnie kalektyŭnaj abarony NATA. «Akramia taho, Hiermanija drenna vykonvaje svaje abaviazalnictvy pa 2-pracentnym uniosku dla NATA. Tamu my vyvodzim častka vojskaŭ z Hiermanii!» — dadaŭ prezident ZŠA.
Ministr abarony ZŠA Mark Eśpier abviaściŭ u sieradu ab vyvadzie z FRH 11,9 tys. amierykanskich vajskoŭcaŭ: 6,4 tys. adpraviacca na radzimu, kala 5,6 tys. buduć pieradysłakavanyja ŭ Italiju i Bielhiju. Zastanucca ŭ FRH pry hetym maksimum 25 tys. vajskoŭcaŭ.
15 červienia Tramp papiaredziŭ, što Vašynhton skarocić kolkaść vajskovaha kantynhientu na terytoryi FRH z 34,5 tysiač da 25 tysiač čałaviek, kali Bierlin nie zapłacić za ich raźmiaščeńnie i nie pavialičyć vydatki na abaronu ŭ adpaviednaści z damoŭlenaściami ŭ ramkach NATA. Prezident ZŠA nieadnarazova krytykavaŭ Hiermaniju za toje, što jana, na jahonuju dumku, nie vydatkoŭvaje dastatkova srodkaŭ na padtrymańnie kalektyŭnaj abarony. Kiraŭnik Biełaha doma zapatrabavaŭ ad usich krain-udzielnic aljansu ŭ samyja karotkija terminy davieści abaronnyja vydatki da 2% VUP.
Ciapier čytajuć
Pasiarod iranskich bambiožak Dubaja Kirył Rudy pierabraŭsia z Emirataŭ u ZŠA: «Rady złučać kantynienty! Nie saromiejciesia da mianie źviartacca»6
Pasiarod iranskich bambiožak Dubaja Kirył Rudy pierabraŭsia z Emirataŭ u ZŠA: «Rady złučać kantynienty! Nie saromiejciesia da mianie źviartacca»
Babaryka turemščykam: «U mianie było, ciapier niama, ale jość šaniec, što budzie. A ŭ vas nie było, niama i nie budzie. I ŭ vašych dziaciej nie budzie»99
Kamientary