«Vialiki kancert budzie!». Cichanoŭskaja vyrašyła nie admaŭlacca ad sustrečy z vybarcami 6 žniŭnia ŭ Minsku

Kandydat u prezidenty Śviatłana Cichanoŭskaja nie budzie admaŭlacca ad praviadzieńnia ahitacyjnaha mitynhu ŭ parku Družby narodaŭ 6 žniŭnia, niahledziačy na mierapryjemstva, jakoje ŭ hety ž čas u parku choča pravieści administracyja Savieckaha rajona, piša Tut.by.

Pavialičyć

Nahadajem, što 3 žniŭnia stała viadoma, što administracyja Savieckaha rajona praviadzie 6 žniŭnia ŭ parku Družby narodaŭ, z 17.00 da 21.30, śviatočnaje mierapryjemstva, pryśviečanaje Dniu čyhunačnych vojskaŭ: u parku vystupiać hanarovaja varta, vajenny arkiestr. Jašče tam budzie vystava vajennaj techniki, śpiecyjalnyja pryzy ad Minabarony i vystupleńnie Alaksandra Saładuchi i Žaniet. U hety ž čas na hetaj placoŭcy pravieści svoj mitynh-kancert źbirałasia kandydat u prezidenty Śviatłana Cichanoŭskaja.

Cichanoŭskaja padavała zajaŭku na hetuju placoŭku jašče 14 lipienia, pieršaj.

4 žniŭnia davieranaja asoba kandydata ŭ prezidenty Śviatłany Cichanoŭskaj Volha Kavalkova padała ŭ CVK i Minharvykankam skarhu na rašeńnie horada pravodzić na placoŭkach, vydzielenych dla pieradvybarnaj ahitacyi, śviatočnyja i haradskija mierapryjemstvy. Akramia taho, Kavalkova, pieradajučy skarhu, paprasiła Minharvykankam zaprasić jaje na sustreču, kab vyrašyć pytańnie praviadzieńnia ahitacyjnych mitynhaŭ.

Ni adkazu na skarhu, ni zaprašeńnia ŭ Minharvykankam na pieramovy štab Cichanoŭskaj tak i nie atrymaŭ.

— Nijakaha lista ad uładaŭ ab tym, što my nie možam pravodzić mitynh 6 žniŭnia ŭ parku Družby narodaŭ, ni Śviatłana, ni ja nie atrymlivali. My padali ŭčora skarhu ŭ Minharvykankam, ale adkazu i reakcyi niama da hetaha času, tamu my ruchajemsia pa svajmu płanu: mitynh u parku Družby narodaŭ budzie, — kaža davieranaja asoba kandydata Volha Kavalkova.

Pryncyp padačy zajaŭki ad kandydata ŭ prezidenty padčas vybarčaj kampanii paviedamlalny: kandydat prosta paviedamlaje Minharvykankam pra datu, čas i miesca praviadzieńnia mitynhu na dazvolenych horadam placoŭkach. Cichanoŭskaja ŭ dzień rehistracyi jaje kandydatam 14 lipienia apaviaściła haradskija ŭłady, što 6 i 8 žniŭnia, z 8.00 da 22.00, budzie pravodzić u parku Družby narodaŭ ahitacyjnyja mitynhi.

• 0
• 0
• 0
• 0
• 0
• 0
• 0
• 0