«Spynicie nasille»: zvarot kalektyvu Nacyjanalnaha histaryčnaha archiva Biełarusi
Kalektyŭ Nacyjanalnaha histaryčnaha archiva Biełarusi zaniepakojeny padziejami, jakija adbyvajucca ŭ apošnija dni ŭ našaj krainie. Užyvańnie hvałtu ŭ dačynienńni mirnych hramadzian i masavyja zatrymańni paśla 9 žniŭnia 2020 h. nie mahli pakinuć abyjakavymi rabotnikaŭ archiva.
U liku zatrymanych akazalisia našy kalehi, navukoŭcy, rabotniki śfiery kultury i adukacyi, u tym liku karystalniki čytalnych załaŭ archiva, svajaki i blizkija mnohich supracoŭnikaŭ.
Pakolki ŭsie słai biełaruskaha hramadstva zacikaŭleny ŭ padtrymańni pravaparadku i zachavańnia zakonnaści,
my zaklikajem kiraŭnictva krainy:
— zabiaśpiečyć hramadzianam zachavańnie pravoŭ i svabod, harantavanych Kanstytucyjaj Respubliki Biełaruś, u pryvatnaści, svabodu schodaŭ, mitynhaŭ, vuličnych šeściaŭ, demanstracyj i pikietavańnia, jakija nie parušajuć pravaparadak i pravy inšych hramadzian Respubliki Biełaruś, a taksama prava na atrymańnie, zachavańnie i raspaŭsiudžvańnie poŭnaj, dakładnaj i svoječasovaj infarmacyi;
— dać pravavuju acenku parušeńniam, dapuščanym u chodzie vybarčaj kampanii; — vyzvalić ź miescaŭ prymusovaha ŭtrymańnia ŭdzielnikaŭ akcyj pratestu, zatrymanych paśla 9 žniŭnia 2020 h., i zabiaśpiečyć abjektyŭny i niepieraduziaty razhlad ich spraŭ;
— spynić užyvańnie hvałtu z boku pradstaŭnikoŭ orhanaŭ pravaparadku i, u pryvatnaści, vykarystańnia śpiecsrodkaŭ u dačynieńni da mirnych demanstrantaŭ i žurnalistaŭ;
— pravieści rasśledavańnie i dać pravavuju acenku faktam źbićcia ŭdzielnikaŭ akcyj pratesta i hvałtu ŭ dačynieńni asob, zatrymanych za ŭdzieł u ich, a taksama dziejańniam, jakija pryviali da hibieli demanstrantaŭ.
Hetyja zachady dazvolać paźbiehnuć dalejšaha rostu napružanaści i buduć spryjać ustanaŭleńniu ŭ biełaruskim hramadstvie atmaśfiery dyjałohu i ŭzajemarazumieńnia. Jak zachavalniki šmatviekavoj dakumientalnaj spadčyny našaha naroda, pierakanany, što acenku dziejańniaŭ usich bakoŭ lubych kanfliktaŭ zaŭsiody daje abjektyŭny i niepieraduziaty sud Historyi.
Los kožnaha hramadzianina važny dla budučyni ŭsioj krainy.
«Dazvolili pakinuć tolki adnu cyharetu». Na łatvijskaj miažy biełarusaŭ prymušajuć vykidać ałkahol, kastruli i nie tolki2
Kamientary