U pres-słužbie Alaksandra Łukašenki hetuju infarmacyju pakul nie paćviardžajuć.
Pavodle nieaficyjnaj infarmacyi, 6 maja ŭ Homieli adbudziecca sustreča prezidentaŭ Biełarusi i Ukrainy.
U pres‑słužbie Alaksandra Łukašenki hetuju infarmacyju pakul nie paćviardžajuć. «Pres‑słužba prezidenta pakul nie moža paćvierdzić hetuju infarmacyju», — paviedamiŭ BiełaPAN kiraŭnik pres‑słužby Pavieł Lohki. Kamientaryj pres‑słužby prezidenta Ukrainy atrymać pakul nie ŭdałosia.
Apošni raz kiraŭniki dziaržaŭ sustrakalisia 20 studzienia ŭ Čarnihavie (Ukraina). Pavodle vynikaŭ sustrečy prezidentaŭ byŭ padpisany šerah dakumientaŭ: miemarandum ab supracoŭnictvie ŭ enierhietyčnaj śfiery, konsulskaja kanviencyja, miemarandum pamiž uradami i nacbankami ab vypracoŭcy mier pa intensifikacyi handlova‑ekanamičnaha supracoŭnictva va ŭmovach kryzisu, mižuradavaje pahadnieńnie ab sproščanym paradku prajezdu biełaruskaha ŭčastku aŭtadarohi Słavucič — Čarnobylskaja AES rabotnikami i transpartnymi srodkami pradpryjemstvaŭ, jakija ažyćciaŭlajuć dziejnaść u zonie adčužeńnia, i pratakoł da hetaha pahadnieńnia.
U Čarnihavie było zajaŭlena, što sustreča premjer‑ministraŭ dźviuch krain adbudziecca «u najbližejšyja dziesiać dzion», kab aformić usie dasiahnutyja na vyšejšym uzroŭni damoŭlenaści. Adnak Siarhiej Sidorski i Julija Cimašenka nie sustrelisia dahetul.
Novaja sustreča Alaksandra Łukašenki i Viktara Juščanki adbudziecca napiaredadni ŭstanoŭčaha samita inicyjatyvy «Uschodniaje partniorstva», jaki adbudziecca 7 maja ŭ Prazie. Biełaruski kiraŭnik u jakaści ŭdzielnika nie zarehistravany.Va «Uschodniaje partniorstva» zaprošany Azierbajdžan, Armienija, Biełaruś, Hruzija, Małdova i Ukraina.
Z 30 krasavika pa 6 maja ŭ Homieli ŭ suviazi z ramontnymi rabotami zakryty šerah vulic, u tym liku centralnaja vulica horada Savieckaja.
Kamientary