Niaščasny vypadak z 43-hadovym traktarystam adbyŭsia ŭ pracoŭny čas u aŭtorak, 6 kastryčnika, na miechanizavanym dvary ŭ vioscy Šyščycy Słuckaha rajona. Mužčyna zahinuŭ na miescy.
Pavodle papiaredniaj infarmacyi «Kurjera», žychar Słucka mianiaŭ padšypnik. Dla zručnaści mužčyna padniaŭ płatformy viertykalna. U niejki momant adno z macavańniaŭ źlacieła, i katok upaŭ na paciarpiełaha.
Niahledziačy na toje, što rabočyja adrazu ž vyklikali «chutkuju», vyratavać traktarysta nie ŭdałosia.
Adznačym, daŭžynia adnaho takoha katka składaje kala 3 m, dyjamietr — kala 60 sm, a vaha — nie mienš za 500 kh.
U Słuckim RASK paćvierdzili fakt zdareńnia na sielhaspradpryjemstvie. Pravodzicca pravierka.
Kamientary