Няшчасны выпадак з 43-гадовым трактарыстам адбыўся ў працоўны час у аўторак, 6 кастрычніка, на механізаваным двары ў вёсцы Шышчыцы Слуцкага раёна. Мужчына загінуў на месцы.
Паводле папярэдняй інфармацыі «Кур'ера», жыхар Слуцка мяняў падшыпнік. Для зручнасці мужчына падняў платформы вертыкальна. У нейкі момант адно з мацаванняў зляцела, і каток упаў на пацярпелага.
Нягледзячы на тое, што рабочыя адразу ж выклікалі «хуткую», выратаваць трактарыста не ўдалося.
Адзначым, даўжыня аднаго такога катка складае каля 3 м, дыяметр — каля 60 см, а вага — не менш за 500 кг.
У Слуцкім РАСК пацвердзілі факт здарэння на сельгаспрадпрыемстве. Праводзіцца праверка.
Цяпер чытаюць
«Месяцамі ў кабіне, на сябе забіў. І стаў пытаць: можа, жонка таксама будзе працаваць?». Чаму эміграцыя разбівае сем’і і што рабіць, каб усё паправіць4040
Каментары