Novy dekret prezidenta praduhledžvaje ekstrannaje adabrańnie dziciaci ź siamji ŭ vypadku realnaj pahrozy jaho žyćciu i zdaroŭju
Dziaciej ź niepaśpiachovych siemjaŭ buduć ekstranna zabirać u baćkoŭ u vypadku realnaj pahrozy ich žyćciu i zdaroŭju.
Adpaviednaje pałažeńnie źmieščana ŭ dekrecie prezidenta № 5 ad 5 maja 2009 hoda. Jak paviedamlaje pres‑słužba kiraŭnika dziaržavy, dakumient unosić źmianieńni i dapaŭnieńni ŭ dekret № 18 ad 24 listapada 2006 hoda «Ab dadatkovych mierach pa dziaržaŭnaj abaronie ludziej u niepaśpiachovych siemjach».
Novy dekret skiravany na kompleksnaje ŭrehulavańnie pytańniaŭ pracaŭładkavańnia baćkoŭ, jakija pavinny pakryvać raschody dziaržavy pa ŭtrymańni dziaciej, što znachodziacca na dziaržaŭnym zabieśpiačeńni. Aprača taho, praduhledžana nakiravańnie asobaŭ, jakija pakutujuć ad ałkaholnaj zaležnaści i ŭ suviazi z hetym sistematyčna dapuskajuć parušeńni pracoŭnaj dyscypliny, u lačebna‑pracoŭnyja prafiłaktoryi.
Novy dakumient taksama ŭdakładniaje paradak pracaŭładkavańnia abaviazanych asobaŭ na novaje miesca pracy ŭ vypadku zvalnieńnia pa abjektyŭnych pryčynach:ustanoŭleny abaviazak najmalnika infarmavać ab nieabchodnaści ich dalejšaha pracaŭładkavańnia orhany pa pracy, zaniataści i sacyjalnaj abaronie i orhany ŭnutranych spraŭ, a taksama spahanialnika raschodaŭ (kali abaviazanyja asoby pakryvali raschody pa ŭtrymańni dziaciej dobraachvotna) dla zvarotu ŭ sud pa pytańni ich pracaŭładkavańnia i spahnańnia ź ich zhadanych raschodaŭ.
Dekretam taksama ŭviedziena administracyjnaja adkaznaść abaviazanych asobaŭ za ŭchileńnie ad pracaŭładkavańnia pa sudovaj pastanovie ab pracaŭładkavańni (administracyjny aryšt z abaviazkovym pryciahnieńniem da pracy)i skarektavany paradak pryciahnieńnia ich da kryminalnaj adkaznaści za inšyja vinavatyja dziejańni (biaździejnaść), što paciahnuła nievykanańnie abo niapoŭnaje vykanańnie štomiesiačnych abaviazacielstvaŭ pa pakryćci raschodaŭ pa ŭtrymańni dziaciej, šlacham uviadzieńnia administracyjnaj prejudycyi dla pryciahnieńnia abaviazanych asobaŭ da kryminalnaj adkaznaści za zhadanaje złačynstva, paviedamlaje pres‑słužba.
Taksama kankretyzavana adkaznaść dziaržaŭnych orhanaŭ za realizacyju dekreta № 18 ad 24 listapada 2006 hoda. U pryvatnaści, zamacavana, što staršyni vykanaŭčych kamitetaŭ, kiraŭniki miascovych administracyj piersanalna adkaznyja za realizacyju Dekreta na terytoryi adpaviednaj administracyjna‑terytaryjalnaj adzinki, a respublikanskija orhany dziaržaŭnaha kiravańnia zabiaśpiečvajuć kantrol i niasuć adkaznaść za vykanańnie dekreta pa pytańniach, što adnosiacca da ich kampietencyi.
Ciapier čytajuć
Kaleśnikava: «Mianie šakuje maštab nianaviści i ahresii». Maryja patłumačyła, što dla jaje značyć viartańnie da narmalnaści45
Kaleśnikava: «Mianie šakuje maštab nianaviści i ahresii». Maryja patłumačyła, što dla jaje značyć viartańnie da narmalnaści
«Uśviedamlaju, što mahu stać pieršaj biełaruskaj, jakaja naviedaje ŭsie krainy śvietu». Padarožnica ź Minska razmaŭlaje na 8 movach i maryć pražyć 200 hadoŭ1010
Kamientary