Deputat Pałaty pradstaŭnikoŭ na sustrečy ź bieraściejcami: «Skažycie, dzie jon zaraz praciahvajecca — hvałt?»
U Breście 21 kastryčnika deputat Pałaty pradstaŭnikoŭ Leanid Bryč sustreŭsia z vybarščykami. Jak raspavioŭ «BH» pravaabaronca Raman Kiślak, adzin ź inicyjataraŭ dyjałohu, na sustrečy padymalisia prablemy hvałtu z boku siłavikoŭ.
Prahučała pytańnie: «Kraina žyvie ŭ hetaj situacyi ŭžo treci miesiac. Što vy jak pradstaŭnik naroda zrabili sa svajho boku?». «A što vy chočacie, kab ja zrabiŭ?» — pytańniem adkazaŭ deputat. — «My vam adpraŭlali svaje zajavy».
Leanid Bryč skazaŭ, što davioŭ pazicyju častki svaich vybarščykaŭ da Pałaty pradstaŭnikoŭ, a taksama rabiłasia sproba atrymać poŭnuju infarmacyju ŭ MUS, Śledčaha kamiteta: «Na žal, hetuju infarmacyju nam nie dali, ale my rabili takija zapyty».
«Što vy ciapier robicie, kab spynić hvałt?» — zapytalisia ŭ jaho. «Skažycie, dzie jon zaraz praciahvajecca — hvałt?» — znoŭ pytańniem na pytańnie adkazaŭ deputat.
«Leanid Bryč ličyć, što treba zakryć temu vybaraŭ, jak i temu hvałtu, i hladzieć u budučyniu. Ale jak heta zrabić svajakam paciarpiełych? Da taho ž hvałt i aryšty praciahvajucca. Pa vialikim rachunku, mała što źmianiłasia», — kaža Kiślak.
Pavodle jaho słoŭ, adzinaje, u čym deputat i vybarščyki pahadzilisia, — treba spynić hvałt.
Kamientary