Historyka Andreja Macuka asudzili na 15 sutak za śviatkavańnie narodzinaŭ u dvary z torcikam z «Pahoniaj»
U piatnicu, 11 śniežnia, u domie pa vulicy Čyhunačnaj, 44 prajšli pieratrusy ŭ kvaterach. U vyniku zatrymali šeść čałaviek. Traich, razam z historykam Andrejem Macukom, asudzili ŭ paniadziełak.
Historyk Mikałaj Vołkaŭ apublikavaŭ u svaim fejsbuku post, dzie raspavioŭ pra padziei.
«Sudzili hetych ludziej za śviatkavańnie dnia naradžeńnia taho ž Andreja Macuka ŭ dvary ich doma tydzień raniej — u piatnicu 4 śniežnia». Pa słovach Vołkava, ułasnaje śviata paličyli niesankcyjanavanym mierapryjemstvam, na jakoje možna mabilizavać dziasiatki čałaviek i ŭčynić pakazalnuju abłavu. «Abciažarvalnymi abstavinami» paličyli pajadańnie torcikaŭ z vyjavaj «Pahoni» — dziaržaŭnaha hierba Biełarusi ŭ 1991-1995 hh., piša Vołkaŭ.
U paniadziełak, 14 śniežnia, prajšoŭ sud nad tryma zatrymanymi. Ich asudzili pa artykule 23.34 KoAP i dali pa 15 sutak.
Jeŭrapiejcy hatovyja pahadzicca na adpraŭku svaich vojskaŭ dla achovy biełaruska-ŭkrainskaj miažy — vialikaje apytańnie1
Kamientary