U Biełarusi prapanujuć časova pavysić niekatoryja staŭki padatkaŭ dla «kampiensacyi vydatkaŭ praz COVID-19», paviedamlaje BiełTA.
U 2021-2022 hadach prapanujecca pavyšeńnie staŭki padatku na prybytak dla apierataraŭ sotavaj suviazi i apieratara pa abaviazkovym akazańni ŭniviersalnych pasłuh elektrasuviazi z 18% da 30%. Staŭku padatku na prybytak prapanujecca pavialičyć z 25% da 30% dla łambardaŭ.
Prapanujecca pavyšeńnie staŭki padachodnaha padatku z dachodu fizičnych asob, atrymanych pa pracoŭnych dahavorach ad rezidentaŭ PVT i Kitajska-biełaruskaha industryjalnaha parku «Vialiki kamień», z 9% da 13%.
Siarod novaŭviadzieńniaŭ — pavyšeńnie staŭki ziamielnaha padatku i arendnaj płaty za ziamielnyja ŭčastki, pieradadzienyja dla raźmiaščeńnia handlovych centraŭ, u tym liku aŭtastajanak, jakija absłuhoŭvajuć hetyja HC, z 0,7% da 1,5% ad kadastravaha koštu.
Prapanujecca dać prava miascovym savietam deputataŭ pavialičvać abo pamianšać staŭki adzinaha padatku ź IP i inšych fizičnych asob u zaležnaści ad vidu dziejnaści, Minharsavietu — pavialičvać staŭki hetaha padatku da 4 razoŭ.
Dachody ad hetych fiskalnych mier płanujecca nakiravać na baraćbu z COVID-19.
Kamientary