Adpaviednaja pastanova Saŭmina siońnia była apublikavanaja na Nacyjanalnym pravavym internet-partale, piša BiełTA.
Zaraz kiraŭniki ŭstanovy pavinny nie paźniej čym za dva miesiacy da pačatku raźmierkavańnia skłaści śpisy vypusknikoŭ, jakija padlahajuć raźmierkavańniu, u tym liku vypusknikoŭ ź liku tych, što atrymlivajuć siaredniuju śpiecyjalnuju abo vyšejšuju adukacyju I stupieni i što advučylisia nie mienš za pałovu terminu navučańnia za košt srodkaŭ respublikanskaha i (abo) miascovych biudžetaŭ na dzionnaj formie.
Zhodna z dakumientam, pieršačarhovym pravam vybaru miesca pracy karystajucca vypuskniki, uklučanyja ŭ bank danych adoranaj moładzi i bank danych talenavitaj moładzi, a taksama jakija prajšli terminovuju vajennuju słužbu, słužbu ŭ reziervie, jakija majuć rekamiendacyi voinskich častak, orhanaŭ pahransłužby na navučańnie, jakija dasiahnuli vysokich vynikaŭ u vučobie, vysokich pakazčykaŭ u hramadskaj pracy, navukova-daśledčaj dziejnaści.
Dasiahnuŭšymi vysokich vynikaŭ u vučobie źjaŭlajucca vypuskniki, jakija majuć za čas navučańnia nie mienš za 50% adznak 8 bałaŭ i vyšej, a astatnija adznaki — nie nižej za 6 bałaŭ.
Dasiahnieńniem vypusknikami vysokich pakazčykaŭ u hramadskaj rabocie pryznajecca ich udzieł u orhanach samakiravańnia ŭstanovy adukacyi, moładzievych hramadskich abjadnańniach, u spartyŭnych spabornictvach, vystavach, konkursach prafmajsterstva, ahladach, alimpijadach, mastackaj i techničnaj tvorčaści, u arhanizacyi i praviadzieńni hramadska-značnych mierapryjemstvaŭ, akcyj, u vałanciorskim i studatradaŭskim ruchu.
Akramia taho, vypuskniki, jakija nie adpracavali raźmierkavańnie i pryniatyja dla atrymańnia adukacyi bolš vysokaha ŭzroŭniu za košt srodkaŭ biudžetu na dzionnuju formu, u vypadku adličeńnia abaviazany ŭ piacidzionny termin źviarnucca za pieraraźmierkavańniem.
Dakumientam taksama ŭdakładniajucca ŭmovy raźmierkavańnia i pieraraźmierkavańnia pry zaklučeńni dahavora na metavuju padrychtoŭku, a taksama paradak kampiensacyi ŭ biudžet srodkaŭ, zatračanych na padrychtoŭku śpiecyjalista, kali jon nie adpracoŭvaje raźmierkavańnie.
Pastanova ŭstupaje ŭ siłu paśla aficyjnaha apublikavańnia.
Ciapier čytajuć
Kolki biełarusaŭ atrymali polskaje hramadzianstva za apošni čas. Ličby ŭražvajuć8
Kolki biełarusaŭ atrymali polskaje hramadzianstva za apošni čas. Ličby ŭražvajuć
Kolkaść achviar vybuchu ŭ maskoŭskim elitnym restaranie na jubilei hienierała, jaki kamandavaŭ nastupam na Kijeŭ ź Biełarusi ŭ 2022-m, vyrasła da piaci čałaviek44
Kamientary