Kultura

Bortnictva Paleśsia i Padlašša ŭnieśli ŭ achoŭny śpis JUNIESKA

Heta — vynik šaścihadovaj supracy miž pryvatnymi asobami i niekamiercyjnymi arhanizacyjami, Bractwo Bartne ŭ Polščy i Braterstva bosych bortnikaŭ u Biełarusi, piša Zialony partał.

Čytajcie taksama: Biełaruskaje i polskaje bortnictva ŭnieśli ŭ Śpis niemateryjalnaj spadčyny JUNIESKA

Da XIX stahodździa bortnictva było najbolš raspaŭsiudžanym vidam pčalarstva va terytoryi byłoj Rečy Paspalitaj i Vialikaha Kniastva Litoŭskaha. Niahledziačy na ​​raźvićcio technałohij pčalarstva, hetaja tradycyja dobra zachavałasia ŭ sielskich rajonach Paŭdniova-Uschodniaj Biełarusi i ŭ niekatorych nievialikich vioskach Padlašskaha rajona Polščy.

«Heta naša supolnaja spadčyna, toje, čym my možam dzialicca razam, što abjadnoŭvaje našy nacyi i dazvalaje nam skazać: «Hej, my hanarymsia hetym!» Ja viedaju, što biez nośbitaŭ ź Biełarusi ŭ nas nie było b dastatkova matyvacyi dla padtrymańnia i raźvićcia bortnictva ŭ Polščy», — havoryć Piotr Piłasievič, zasnavalnik Bractwo Bartne ŭ Polščy.

Abiedźvie arhanizacyi spadziajucca, što heta pryznańnie nie źjaŭlajecca finalnaj kropkaj — heta pačatak novaj dziejnaści, praciah starych tradycyj i zachavańnie kulturnaj tkaniny dla budučych pakaleńniaŭ. Heta ŭstojlivaje raźvićcio tvorčych praktyk, ramiostvaŭ, viedaŭ u hramadstvie i pieradača kultury bortnictva ŭ hramadstva i budučyniu.

«Samaje hałoŭnaje było atrymać zhodu supolnaści bortnikaŭ na ŭklučeńnie ŭ śpis i pačuć ad ich ułasnuju pazicyju: ci pavinna bortnictva stać niemateryjalnaj kulturnaj spadčynaj i nadalej zachoŭvacca. Padčas dźviuch ekśpiedycyj my apytali kala 50 siemjaŭ bortnikaŭ i ŭsie ŭ adzin hołas skazali: «Heta važnaja sprava! Bortnictva pavinna praciahvać isnavać!» — kaža Ivan Osipaŭ, zasnavalnik «Braterstva bosych bortnikaŭ» u Biełarusi. — Paśla takich ščyrych słoŭ našaj kamandzie śpiecyjalistaŭ stała zrazumieła, što treba iści dalej i pracavać nad tym, kab bortnictva stała niemateryjalnaj kulturnaj spadčynaj čałaviectva».

Kab dadać bortnictva u Nacyjanalny śpis Biełarusi, spatrebiłasia šmat pracy: pahutaryć z bortnikami, zapisać bolš za 20 hadzin videaintervju, zrabić bolš za 3000 fotazdymkaŭ i bolš za 20 hadzin aŭdyja.

Dla biełaruskaj supolnaści ŭklučeńnie źjavy ŭ śpis JUNIESKA vielmi važnaje, navat važniejšaje, čym dla ekśpiertaŭ — heta pieraasensavańnie praktyki, jaje novy važny status u hramadstvie, što vielmi važna dla supolnaści i navakolnaha asiarodździa na miascovym, nacyjanalnym uzroŭni i za miažoj.

U biełaruskaha i polskaha bortnictva šmat ahulnaha, pakazvajuć pracy prafiesara Kšyštafa Chiejkie, suaŭtara ŭniasieńnia źjavy ŭ Nacyjanalny śpis Polščy. Jon zafiksavaŭ i sfatahrafavaŭ bortnikaŭ pa ŭsioj Polščy, Biełarusi i Ukrainie, ubačyŭšy ahulnyja pryłady, movu, sposab razumieńnia pryrody i pčoł. Padobnyja tradycyi i praktyka, niahledziačy na ​​toje, što supolnaści žyli izalavana adna ad adnoj.

Kamientary

 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Stała viadoma pra śmierć 41-hadovaha byłoha palitviaźnia z Hrodna Alaksieja Aŭsiukieviča1

Stała viadoma pra śmierć 41-hadovaha byłoha palitviaźnia z Hrodna Alaksieja Aŭsiukieviča

Usie naviny →
Usie naviny

Niepaŭnaletniaja dziaŭčyna ździejśniła samahubstva na ŭpiscy ŭ Bresckaj vobłaści

Dačka pres-sakratara Pucina vyjšła zamuž i źmianiła proźvišča12

«Heta dobry znak salidarnaści». Tadevuš Kandrusievič padziakavaŭ za toje, što ludzi malilisia za jaho zdaroŭje

Litoŭskija elity ličać hałoŭnym vyklikam dla krainy pahrozy z boku Biełarusi i Rasii5

Novy biełaruski aniekdot pra pamier2

Pamiežny kamitet raskazaŭ svaju viersiju zakryćcia biełaruska-łatvijskaj miažy

Rasijanin paspračaŭsia, što prysiadzie 2 tysiačy razoŭ. Zakład jon vyjhraŭ, ale ŭ jaho stali nyrki5

Pavieł Duraŭ padziakavaŭ francuzskim śledčym3

Pažar u Ikea ŭ Vilni ažyćciavili padletki z Ukrainy pa zamovie rasijskich śpiecsłužbaŭ6

bolš čytanych navin
bolš łajkanych navin

Stała viadoma pra śmierć 41-hadovaha byłoha palitviaźnia z Hrodna Alaksieja Aŭsiukieviča1

Stała viadoma pra śmierć 41-hadovaha byłoha palitviaźnia z Hrodna Alaksieja Aŭsiukieviča

Hałoŭnaje
Usie naviny →

Zaŭvaha:

 

 

 

 

Zakryć Paviedamić