Maładyja ludzi zrazumieli, što nie abaviazkova być častkaj Brytanii, kab mieć dostup da brytanskaj kultury, śćviardžaje Sion Džobins, staršynia YesCymru.
YesCymru — biespartyjny palityčny ruch za niezaležny Uels. U studzieni 2020 ruch naličvaŭ kala 2000 udzielnikaŭ, ale ciapier heta ličba vyrasła da 17 000, a 25 000 žycharoŭ abiacajuć padtrymać refierendum pa vychadzie Uelsa sa Złučanaha Karaleŭstva Vialikabrytanii i Paŭnočnaj Irłandyi, piša The Telegraph.
Niahledziačy na žadańnie vyjści sa składu Vialikabrytanii, staršynia YesCymru Sion Džobins pierakonvaje, što valijcam nasamreč padabajecca brytanskaja kultura, ale z raznastajnaściu stryminhavych płatform na siońnia niama nieabchodnaści zastavacca častkaj Złučanaha Karaleŭstva, kab mieć dostup da anhłamoŭnaj prastory.
«My hladzim YouTube, Amazon i Netflix. Usio heta źniščaje kulturny razryŭ», — śćviardžaje jon.
Valijskija znakamitaści, u tym liku śpiavačka Šarłota Čorč i scenaryst Raseł Dejvis, niadaŭna vystupili za niezaležnaść Uelsa. Aktor Majkł Šyn u adnym ź intervju adznačyŭ: «Uelsu patrebna svaboda vybaru ŭ pytańni niezaležnaści».
Niadaŭnija apytańni pakazali, što ludzi pažyłoha ŭzrostu skieptyčna staviacca da idei niezaležnaści Uelsa, u toj čas jak 50% moładzi padtrymlivajuć hety ruch. Sprava ŭ tym, što maładoje pakaleńnie nie bačyć nijakaj vyhady ad centralnaha ŭrada. U toj ža čas ludzi, jakija naradzilisia ŭ 40-ch ci 50-ch, u svoj čas atrymlivali žytło, biaspłatnuju adukacyju, miedycynu abo dapamohu pa biespracoŭi, śćviardžaje Sion Džobins.
Zhodna z apytańniami hramadskaj dumki valijcaŭ, za apošnija dva hady nazirajecca rost padtrymki idei vychadu Uelsa ź Vialikabrytanii, ale takich ludziej usio roŭna mienšaść. Prykładna 26% prahałasavali b za niezaležnaść siońnia ŭ paraŭnańni z raniejšymi 15%.
Adnak imknieńnie Šatłandyi i Paŭnočnaj Irłandyi da niezaležnaści, a taksama toje, jak urad Vialikabrytanii raźbirajecca z Brekzitam i pandemijaj, padmacoŭvajuć sieparatysckija nastroi i ŭ Uelsie.
Kamientary