Takuju zajavu ahučyŭ ministr zamiežnych spraŭ Rasii Siarhiej Łaŭroŭ 9 červienia na pres‑kanfierencyi pa vynikach pieramoŭ sa svaim biełaruskim kaleham Siarhiejem Martynavym u Maskvie.
Miery ŭ dačynieńni da małočnaj pradukcyi ź Biełarusi nielha nazyvać sankcyjami. Takuju zajavu ahučyŭ ministr zamiežnych spraŭ Rasii Siarhiej Łaŭroŭ 9 červienia na pres‑kanfierencyi pa vynikach pieramoŭ sa svaim biełaruskim kaleham Siarhiejem Martynavym u Maskvie.
Pavodle słoŭ Łaŭrova, prablema budzie abmiarkoŭvacca profilnymi viedamstvami. «Rasija nie ŭvodziła nijakich sankcyj suprać Respubliki Biełaruś. U Rasii sa śniežnia minułaha hoda dziejničajuć novyja rehłamienty, jakija apisvajuć jakaść małočnaj pradukcyi i vyznačajuć, u jakoj upakoŭcy, ź jakim infarmacyjnym napaŭnieńniem u dačynieńni da pakupnikoŭ heta pradukcyja pavinna realizoŭvacca na rasijskim rynku», — cytuje Łaŭrova RIA Novosti.
«Ja dumaju, što nazyvać padobnyja rašeńni sankcyjami, — heta nie zusim karektna. Heta miera, što pradyktavana vyklučna kłopatam pra zdaroŭje našych spažyŭcoŭ», — padkreśliŭ ministr.
«My heta pytańnie siońnia zakranali i zafiksavali, što jano pavinna vyrašacca pa linii adpaviednych viedamstvaŭ dźviuch našych dziaržaŭ. Ministerstva sielskaj haspadarki Biełarusi ŭ kursie hetaj situacyi, nie admaŭlaje nieabchodnaści vykanańnia hetych rehłamientaŭ i budzie zychodzić z hetaha», — zajaviŭ Łaŭroŭ.
Sa svajho boku Siarhiej Martynaŭ dadaŭ, što techničnyja rehłamienty abiedźviuch krain pavinny pavažacca.
«My nie bačym tut palityki», — paćvierdziŭ kiraŭnik MZS Biełarusi.Samaje važnaje, pavodle jaho słoŭ, kab hetyja rehłamienty nie vykarystoŭvalisia dla «kankurentnaj baraćby niarynačnymi sposabami».
Martynaŭ paviedamiŭ, što hetym časam pa pytańni zachavańnia rehłamientaŭ iduć kansultacyi pamiž ekśpiertami dźviuch krain. «I jany ŭ kančatkovym vyniku vyznačacca z hetym, skažam tak, vieterynarna‑techničnym siertyfikacyjnym pytańniem», — skazaŭ biełaruski ministr.
Z 6 červienia Rasspažyŭnahlad zabaraniŭ uvoz u krainu amal 500 vidaŭ biełaruskich małočnych praduktaŭ z‑za taho, što na ich dahetul nie aformleny ŭsie dakumienty ŭ adpaviednaści z rasijskim techrehłamientam, jaki nabyŭ moc 12 śniežnia 2008 hoda.
8 červienia hałoŭny dziaržaŭny ŭrač RF Hienadź Aniščanka zajaviŭ, što Rasspažyŭnahlad maje namier zabaranić pastaŭki małočnaj pradukcyi ź Biełarusi jašče pa 800 najmieńniach.
Ciapier čytajuć
Zamiest pareštkaŭ Vitaŭta za ścianoj Vilenskaj katedry znajšli tolki kuču kamianioŭ. Ale ŭłady Litvy hatovyja vydatkavać na praciah pošukaŭ jašče 1,5 miljona jeŭra3030
Kamientary