Francuzskija manachi apynulisia ŭ karancinie z tryma tonami syru, ale znajšli vyjście
Manastyr u centry francuzskaha rehijona Burhundyja zapuściŭ terminovy anłajn-prodaž tysiač syroŭ ručnoj pracy, vyrablenych manachami.
Abactva Sito kala horada Dyžon zvyčajna pradaje syry tolki ŭ restarany abo naviednikam kramy na ŭłasnaj terytoryi. Ale pandemija kavidu zakryła restarany, i ad hetaha ŭ sklepach manastyra ciapier zaviśli 4 tysiačy syroŭ ahulnaj vahoj 2,8 tony.
Brat Žan-Kłod, kiraŭnik markietynhu ŭ manastyry, śćviardžaje, što abjom prodažu syroŭ źniziŭsia prykładna ŭ dva razy, i manacham treba vyčyścić składy. Pytańnie varta vyrašyć na fonie taho, što francuzskija restarany začynienyja jašče z 30 kastryčnika, tłumačyć The Guardian.
Manachi źviarnulisia da internet-startapa Divine Box, jaki pradaje vyrablenyja ŭ abactvach pradukty. Ich metaj było pradać da aŭtorka jak minimum tonu syroŭ, ale ŭžo zroblena zamoŭ na dźvie tony.
Syry z abactva ŭziali srebrany miedal na letašniaj vystavie ježy i napojaŭ u Lijonie — bastyjonie francuzskaj kulinarnaj kultury.
Ciapier čytajuć
Łatuška pieramoh usich na vybarach u Kaardynacyjnuju radu13
Łatuška pieramoh usich na vybarach u Kaardynacyjnuju radu
«Uźnikajuć ujaŭleńni, što palitviaźni musiać być stojkimi, sabranymi, udziačnymi. A realnaść roznaja». Pahavaryli ź ludźmi, jakija vodziać departavanych litaralna za ruku66
Kamientary