Zaviaršyŭsia Mundyjal. Byvaj, Zidan! Byvajcie, zdani!

Heta byŭ Mundyjal basmannaha sudziejstva, mastackaha dajvinhu, futbołu ŭ 4-5-1, a jašče zdaniaŭ. Mabyć, samy bahaty čempijanat u historyi na matčy top-teams, jon taksama byŭ samym bahatym na deža-viu. Kolki razoŭ kazałasia, što historyja znoŭ paŭtarajecca! Kolki razoŭ fanat z bahataj bijahrafijaj nibyta pieramiaščaŭsia na mašynie času ŭ minułaha i bačyŭ tryjumf i trahiedyju ŭsio ŭ adnich i tych ža kolerach!!!

Uzhadajem:

Zdań №1. Hišpanskaje «ščaście». Nu, pra heta i kazać banalna. Heta ŭžo nie trahiedyja, heta fars. Hetaha ŭ svaim žyćci ja pahladzieŭ bahata - ad supierkamandy Butrahieńja i Mičeła da supierkamandy Raŭla z Marjentesam: čempijonaŭ śvietu pa hulni ŭ hrupach znoŭ razmazali pa ściency da paŭfinału. Nie tak daŭno heta zrabili ŭ 2000 h. francuzy, tady zabiŭ Zidan. I zaraz. Tady pienalci nie zabiŭ Raŭl. Ciapier pienalci zabiŭ Tores, a Raŭl znoŭ nie zabiŭ.

2. Zdań №2. Hałandyja nie moža pieramahčy partuhalcaŭ. Z-za hetaha jana i na Mundyjal-02 nie trapiła, a ŭ Jeŭra-04 prajhrała adzin hoł ŭ paŭfinale. Tady rašajučy hoł zabiŭ Maniš. Dalokim udaram.I ciapier Maniš zabiŭ rašajučy hoł. Dalokim udaram.

Zdań № 3. Anhličanie prajhrajuć partuhalcam pa pienalci. Anhličanie zusim pa pienalci vyjhravali tolki adzin raz u žyćci - suprać hałandcaŭ, jakija pa pienalci nie vyjhravali nikoli (jak kažuć, sustrelisia, prievied, nieudačniehi!) 2004 hod, pienalci ŭ style «zabić Bekchema». 2006 hod, Bekchem pakidaje pole z traŭmaj - ale ad losu nie ŭratuješsia.

Zdań №4. Brazilija suprać Francyi. U 1986 hodzie, žoŭta-zialonych čaraŭnikoŭ spyniŭ Płacini. U 1998 - baška Zidana. U 2006 hodzie - znoŭ Zidan, jaki pravioŭ svoj lepšy matč badaj za čatyry hady. Try z čatyroch apošnich pralotaŭ Brazilii na Mundyale - na les bleus. Allez!!

Zdań №5. Niamieččyna - Arhientyna. Usio rašaje pienal. Tut zdani supiarečlivyja. Kamandy vyjhrali pa adnamu razu ŭ finałach Kubka śvietu. Da hetaha razu, ŭ abodvuch anivodnaha projhryšu ŭ sieryi pienaloŭ na ČS. Chtości pavinien byŭ sastupić. Chto? Apošni raz, Niamieččyna pieramahła dziakujučy adnamu pienalci. Ciapier była sieryja pienalci - ale ŭsio roŭna - pieramoha zdabytaja z adnoj i toj ža kropki. Šasnaccać hod čakać pomsty - i viarnucca da taho ž miesca… Paśla abodvuch sustrečaŭ, atmaśfiera na pole była bolej čym napružanaja…

Zdań №6. Partuhalija prajhraje Francyi ŭ paŭfinale. Taksama płavali, viedajem. U tym ža 2000 hodzie. Davoli sprečny pienalci, jaki vyrašyŭ los taho, chto idzie dalej. Zabiŭ jaho Zidan. 2006 hod. Jašče adzin davoli sprečny pienalci (jaki, na moj pohlad, byŭ). Zdahadajciesia z troch raz, chto jaho zabiŭ.

Zdań №7. Italija prachodzić Niamieččynu. Bojka trekampieonaŭ (na toj momant) była treciaj na mundyjale za apošnija 36 hod. Dźvie papiarednija vyjhranyja Italijaj va ŭpartaj baraćbie (chacia ŭ Hišpanii ŭ 1982, im prosta spatrebiłasia «dacisnuć» upartych ale stomlenych nievierahodnym paŭfinałam z francuzami dojčaŭ). Dva tryjumfy azzurri. Trymajcie treci. Praz čverć stahodździa. Niamieččyna nie pieramahaje Italiju ŭ ČS užo piaty raz zapar. Darečy, ŭ 1970 hodzie, hetyja kamandy taksama sustrakalisia ŭ paŭfinale. Italija taksama tady pieramahła ŭ dadatkovy čas.

Paśla čverćfinałaŭ, staju ja kala pabu i palu razam z fanatam Čełskaha i pa aznačeńni Anhlii. Nu čamu, jon kaža, my ŭvieś čas prajhrajem pa pienalach? Čamu mažuć Džerard, Łempard? Zdani, kažu ja. Statystyka - heta lehienda, heta psichałahičny pres, heta praklaćcie - asabliva ŭ sieryjach pienalci. Voś Italija - viedała pra svoj los. Viedała ŭ matčy ź niemcami, što da pienaloŭ nie varta davodzić, što moža nie paščaścić… Lipi ryzyknuŭ, vypuściŭšy na pole amal usich svaich zabivałaŭ. Dva hały na apošnich chvilinaŭ oviertajmu, abyjšłosia.

Zdań №8. Nu choć adna zdań pieramožana. I jakaja! Pamiatajecie 2000 hod, Italija ŭžo biez 13 siekundaŭ čempijon, potym hoł Viltora i ŭ oviertajmie - Treziehie! 2006 hod, znoŭ tyja ž tvary, znoŭ na zamienu vychodziać Viltor i Treziehie. Nie, nie hety raz. Tady, vynik vyrašyŭ Treziehie. Kali zabiŭ. Ciapier znoŭ vynik vyrašyŭ Treziehie. Kali nie zabiŭ. Ja chvareŭ u finale za francuzaŭ (nu lublu ja Zidana!), ale možacie kolki zaŭhodna razvažać pra toje, što makarońniki nie vartyja tytułu, što jany trapili ŭ finał praz Aŭstraliju, Ukrainu i dajvy, što Materacy - acki scuko, što jamu treba vypić jadu:

Usio ž taki, Italija pieramahła zdani - zrabiła toje, što na hetym čempijanacie nie ŭdavałasia nikomu. Pieršaja ŭ historyi krainy pieramoha pa pienalach na Čempijanacie śvietu, i ŭ jakim matčy ! Za što! Zdani rasčaravańniaŭ i ahonii Vijali i Skiłačy, Barezi i Maldzini, Rabierta i Dzina Badžya, Vičyni i Saki, zdani troch mundyjalaŭ, u jakich italjancy zastalisia niepieramožnymi u hulniavy čas, ale ź jakich pryviaźli tolki dzirki ad bublika - na hetyja zdani horda ŭźlez Fabija Kanavara i ŭźnios zapavietny załaty trafiej.

A Zidana škada. Boža, kolki imhnieńniaŭ adździalaje tryjumf ad trahiedyi. Zabiej jon baškoj Bufonu za paru chvilinaŭ da vydaleńnia - i być jamu dvuchrazovym, lepšym ihrakom čempijanatu, i druhim u historyi paśla Piele… A tak - jon nazaŭždy zastaniecca Zidanam, jaki byŭ vydaleny ŭ raźvitalnym matčy… Ale ŭsio roŭna. Tyja dziesiać hod, jakija my mahli bačyć jaho na teleekranach (mnohija adkryli jaho na Jeŭra-96) bieź pieravieličeńnia ŭpryhožyli futboł i našaje žyćcio. Pamiatajecie dźvie banki brazilcam? Pamiatajecie hoł Bajeru ŭ finale Lihi Čempijonaŭ - 2002? Pamiatajecie jaho hulniu na hetym mundyjale suprać tych ža brazilcaŭ i hišpancaŭ? Dziakuj, Zizu. Ty ŭpryhožyŭ hulniu. Ty- lepšy ŭ hienieracyi. Usio ž taki, byčok Materacy - heta lepš dvuch «ruk boha», jakimi Maradona vyjhraŭ svajo zołata i srebra. Zidan - pobač z Maradonaj. A chto ŭzhadaje praź dziesiać hod pra Materacy?

VW,

• 0
• 0
• 0
• 0
• 0
• 0
• 0
• 0