pryviało pryniaćcie šenhienskaha režymu novymi členami ES.
— zajaviła kaardynatar prajekta «Manitorynh vizavaj palityki krain ES» Volha Vasileŭska, vystupajučy 22 červienia ŭ Minsku na kanfierencyi «Vizavaja palityka ŭ kantekście adnosinaŭ ES i Biełarusi: aktualnaja situacyja i pierśpiektyvy».
Pavodle jaje słoŭ,
u najbolšaj stupieni vydača viz u 2008 hodzie ŭ paraŭnańni z 2007 hodam źmienšyłasia ŭ bok Polščy, Litvy i Łatvii: na 73, 52 i 34% adpaviedna.
Pry hetym sacyjołah padkreśliła, što źmianšeńnie vydačy viz źviazana nie z pavieličeńniem kolkaści admoŭ, a sa značnym skaračeńniem zvarotaŭ suiskalnikaŭ.
Va ŭsich krainach, za vyklučeńniem Litvy, u 2008 hodzie ŭ paraŭnańni z 2005 hodam pavialičyłasia praciahłaść pracedury vydačy viz, zaznačyła Vasileŭska.
Pavodle jaje słoŭ, u Čechii i Polščy praciahłaść «uzrasła katastrafična»: z 14 da 19 i z 2 da 8 dzion adpaviedna.
Aprača taho, u 33% vypadkaŭ u konsulstvy Čechii nieabchodna rabić bolš jak dva vizity, Finlandyi — u 27% vypadkaŭ, Litvy — u 24%, Polščy — u 23%, u toj čas jak Vialikabrytanii — tolki ŭ 4% vypadkaŭ.
«Składvajecca adčuvańnie, što z času papiaredniaha ahladu ŭ 2005 hodzie kolkaść ciažkaściej, źviazanych z atrymańniem vizy ŭ pradstaŭnictvach dziaržaŭ‑navičkoŭ pavialičyłasia, u toj čas jak krainy — daŭnija ŭdzielniki ES, asabliva Francyja i Vialikabrytanija, istotna palepšyli jakaść pasłuh», — paviedamiła Vasileŭska.
Namieśnica dyrektara Biełaruskaha instytuta stratehičnych daśledavańniaŭ Kaciaryna Hłod zaznačyła, što ŭdzieł Biełarusi ŭ prahramie «Uschodniaje partniorstva» praduhledžvaje libieralizacyju vizavaha režymu dla Biełarusi. U pryvatnaści, mahčymyja try stupieni libieralizacyi režymu: padpisańnie pahadnieńnia ab ablehčanym vizavym režymie; źmianšeńnie koštu viz; poŭnaja admiena viz. Hłod padkreśliła, što «apošnija hutarki ź jeŭrapiejskimi čynoŭnikami kažuć ab treciaj stupieni libieralizacyi jak ab vielmi addalenaj pierśpiektyvie».
Pavodle jaje słoŭ, vizavaje pytańnie, «chutčej za ŭsio, budzie vykarystoŭvacca ES jak palityčny instrumient, kab damahčysia ad Biełarusi ŭstupak u peŭnych śfierach».
Kamientary