Ukraina pieratvarajecca ŭ antypoda Rasii, placoŭku, adkul z-za jaje blizkaści buduć zaŭsiody prychodzić naviny, jakija patrabujuć asablivaj uvahi z punktu hledžańnia biaśpieki. Pra heta zajaviŭ Uładzimir Pucin na naradzie z pastajannymi členami Rady Biaśpieki, piša RBK.
«Miarkujučy pa ŭsim — i heta vielmi sumna, — Ukrainu pavolna, ale dakładna pieratvarajuć u niejki antypod Rasii, u niejkuju anty-Rasiju, u niejkuju placoŭku, z terytoryi jakoj my pastajanna, miarkujučy pa ŭsim, budziem atrymlivać naviny, jakija patrabujuć asablivaj z našaha boku ŭvahi z punktu hledžańnia biaśpieki Rasijskaj Fiederacyi», — skazaŭ jon.
Sa słoŭ Pucina, ciapier va Ukrainie adbyvajecca «vidavočnaja začystka palityčnaha pola», u tym liku šlacham zakryćcia ahulnanacyjanalnych ŚMI, a zachodnija partniory Rasii nijak na heta nie reahujuć.
«Pa palityčnych matyvach vybiralna kamuści ŭ vinu stavicca praca z Rasijaj u śfiery ekanomiki, choć mnohija, u tym liku i asoby z vyšejšaha palityčnaha kiraŭnictva krainy, aktyŭna pracujuć na praciahu mnohich hadoŭ u Rasii i, darečy kažučy, u Krymie taksama — i ničoha, heta ličycca normaj», — dadaŭ jon.
Na dumku Pucina, ukrainskija ŭłady prymajuć vybarčyja rašeńni ŭ dačynieńni da peŭnych asob, jakija nakiravany tolki na adno — začystku palityčnaha pola ad sił, jakija vystupajuć za mirnaje vyrašeńnie kryzisu na Danbasie i za dobrasusiedskija adnosiny z Rasijaj.
13 maja kiraŭnika palitrady partyi «Apazicyjnaja płatforma — za žyćcio» i kuma Pucina Viktara Miedviedčuka adpravili pad chatni aryšt na dva miesiacy pavodle padazreńnia ŭ dziaržaŭnaj zdradzie. Jaho abaviazali nasić elektronny branzalet i zdać zamiežny pašpart. Prakuratura raniej patrabavała źmiaścić deputata pad vartu abo damahčysia ad jaho vypłaty zakładu ŭ €10 młn.
Ciapier čytajuć
U Varšavu pryjechała sotnia biełaruskich palitviaźniaŭ6
Kamientary