Piać hadzinaŭ roku biaspłatna prapanujuć amataram muzyki arhanizatary prajektu «Žyvy huk ON‑line».
Piać hadzinaŭ roku biaspłatna prapanujuć amataram muzyki arhanizatary prajektu «Žyvy huk ON‑line».
27 červienia a 17 00 na padvorku Centralnaha doma aficeraŭ (letniaja vieranda internet‑kaviarni) raspačniecca pieršy kancert u miežach adnoŭlenaha sioleta prajektu. Padčas jaho vystupiać L.I.P. z Stasiaj, «Mutnajevoka», Krok, Open Space, Hair Peace Salon i GARADzKIJA.
Ładziać «Žyvy huk ON‑line» viadomy rok‑hitaryst Pit Paŭłaŭ dy interniet‑kaviarnia «Sajuz ON‑line». Asablivaść prajektu składajecca ŭ pryncypovym vystupie muzykaŭ «žyŭcom» i adnačasovaj tranślacyi kancerta pa internecie. Takim čynam, pabačyć i pačuć lubimych artystaŭ možna budzie nie tolki ŭ stalicy, ale i za miažoj.
***
Upieršyniu prajekt «Žyvy huk ON‑line» byŭ realizavany ŭ 2005 hodzie. Tady ŭ kaviarni zahrali N.R.M., «Krambambula», Neuro Dubel i GARADzKIJA, a pa vyniku była vydadzienaja składanka. U płanach było jašče šmat vystupoŭcaŭ, siarod jakich «Leprykonsy», Kriwi, J_Mors, «Lapis Trubiacki», Źmicier Vajciuškievič i navat Iryna Darafiejeva. Ale chutka prajekt byŭ vymušyny zharnucca, kab znoŭ paŭstać tolki ciapier.
U adroźnieńnie ad kancertaŭ čatyrochhadovaj daŭniny, hetym razam arhanizatary staviać sabie hałoŭnaj metaj nie pryciahnuć «zorak», a stvaryć admysłovuju «kalakancertnuju» atmaśfieru raźniavolenaści dy siabroŭstva z hutarkami, pivam i tancami. Takija kampaktnyja festy płanujecca ładzić štomiesiac.
Ad pačatku prajekt vyklikaŭ vialikuju zacikaŭlenaść z boku ajčynnych hurtoŭ roznaha muzyčnaha nakirunku: roku, fołku, hranžu, teatralnaj dziei («Dziecidziaciej», «Raźbitaje serca Pacana»), mietału i h.d. Za pieršy tydzień arhanizatary atrymali bolej jak 30 zajavak. Hurty, jakija prajšli adbor, ale nie patrapili ŭ «pieršy skład», zmohuć vystupić na nastupnych kancertach.
Bolš taho, arhanizatary vyrašyli praciahnuć kastynh da 27 červienia. Zapisy, infarmacyju pra hurt, zaprašeńni na repietycyi i ŭsio, što moža dapamahčy skłaści ŭražańnie pra tvorčaść kamandy, jany zaklikajuć dasyłać na adras pres‑słužby prajektu: [email protected] albo paviedamlać praz telefony: (029) 688‑61‑74, (029) 259‑96‑54.
Ciapier čytajuć
Łukašenka pieraabuŭsia: Pozna ŭviečary Minsk pahruzili ŭ ciemru. Navošta? Ja ž ad vas hetaha nie patrabavaŭ24
Kamientary