Pradstaŭniki kliniki horada Frajštat prynieśli prabačeńni za vypadak, jaki jany nazvali «trahičnaj pamyłkaj».
Učora pradstaŭniki špitala ŭ aŭstryjskim horadzie Frajštat paviedamili pra toje, što niekalki dzion tamu adnamu z pacyjentaŭ amputavali nie tuju nahu. Pa ich słovach, pamyłka zdaryłasia praz čałaviečy faktar.
Pacyjent kliniki, 82-hadovy mužčyna, pakutuje ad vialikaj kolkaści chvarob. Niekatoryja ź ich paŭpłyvali na stan jaho noh i vyklikali nieabchodnaść amputavać levuju ź ich. Apieracyja była praviedzienaja ŭ aŭtorak, a pamyłku zaŭvažyli padčas pieraviazki ranicaj u čaćvier, raspaviadaje Guardian.
Chutčej za ŭsio, pamyłka zdaryłasia niezadoŭha da apieracyi, kali miedyki paznačali nahu, jakuju treba amputavać. Pacyjenta paprasili paćvierdzić, jakuju nahu jamu treba amputavać, ale praz prablemy z maŭleńniem, chutčej za ŭsio, jaho prosta nie zrazumieli. Praz svoj stan zdaroŭja pacyjent taksama nie zdoleŭ chutka zaŭvažyć, što zdaryłasia pamyłka.
Ciapier pacyjentu prapanavali psichałahičnuju dapamohu, ale jamu ŭsio jašče pavinny amputavać levuju nahu amal całkam. Apieracyja zapłanavanaja na najbližejšy čas.
«P****iec adbyŭsia». Volha Kavalkova patłumačyła, čamu adyšła ad palityki i carkvy i jak transfarmuje bol u luboŭ25
Kamientary