Častku supracoŭnikaŭ pradstaŭnictva Jeŭrasajuza ŭ Minsku pieraviali ŭ Brusiel. Hetuju infarmacyju paćvierdziŭ 1 kastryčnika vydańnia «Pozirk» aficyjny pradstaŭnik Jeŭrapiejskaj słužby źniešnich dziejańniaŭ Pieter Stana.
Pavodle jaho, hetaja miera abumoŭlenaja siońniašniaj situacyjaj u Biełarusi i ŭzroŭniem dvuchbakovych adnosin Minska i Jeŭrasajuza.
Pry hetym, adznačyŭ Pieter Stana, adklikanyja supracoŭniki praciahnuć u Brusieli «svaju važnuju pracu, źviazanuju ź Biełaruśsiu».
Stana paviedamiŭ, što Jeŭrasajuz «adaptuje svaju dypłamatyčnuju prysutnaść u trecich krainach u adpaviednaści ź nieabchodnaściu i źniešnimi abstavinami», adnak «pytańni arhanizacyi pracy pradstaŭnictva ES źjaŭlajucca ŭnutranaj spravaj Jeŭrapiejskaj słužby źniešnich dziejańniaŭ i, jak praviła, publična nie abmiarkoŭvajucca».
«Palityka ES u dačynieńni da Biełarusi zastajecca niaźmiennaj. U pryvatnaści, Jeŭrasajuz pa-raniejšamu prychilny da padtrymki naroda Biełarusi», — padkreśliŭ pradstaŭnik Jeŭrapiejskaj słužby źniešnich dziejańniaŭ.
Kamientary