«Nie našy mietady». Chamas abvierh datyčnaść da «miniravańnia» samalota Ryanair
Paleścinskaja hrupoŭka Chamas admaŭlaje datyčnaść da «miniravańnia» samalota Ryanair. Reuters cytuje śpikiera ruchu Faŭzi Barchuma:
«Heta zusim nie našy mietady, niejki padazronyja baki robiać heta, kab demanizavać CHAMAS i pieraškodzić suśvietnym simpatyjam da paleścinskaha narodu i jaho zakonnaha supracivu».
Nahadajem, raniej Mintrans Biełarusi zajaviŭ, što paviedamleńnie ab miniravańni samalota Ryanair, na jakim lacieŭ Raman Pratasievič, pryjšło ad imia sałdat paleścinskaj hrupoŭki «Chamas». Jany nibyta pahražali padarvać bombu nad Vilniaj.
U pahrozie ad ES patrabavali spynić padtrymku dziejańniaŭ Izraila, śćviardžaje dyrektar departamienta avijacyi Mintransa Arciom Sikorski.
Biełaruski Mintrans śćviardžaje, što tekst pahrozy, z-za jakoj samalot Ryanair byŭ pasadžany ŭ Minsku, vyhladaŭ tak: «My, sałdaty CHAMAS, patrabujem, kab Izrail spyniŭ ahoń u Siektary Haza. My patrabujem, kab Jeŭrapiejski Sajuz admoviŭsia ad padtrymki Izraila ŭ hetaj vajnie. Viadoma, što ŭdzielniki Delfi Economic Forum viartajucca dadomu rejsam 4978. U hety samalot zakładziena bomba. Kali vy nie vykanajecie našy patrabavańni, bomba vybuchnie 23 maja nad Vilniaj».
Ciapier čytajuć
Što Babaryka i Kaleśnikava adkazali na pytańni pra vajnu97
Kamientary