U hetaj krainie vajskoŭcy skinuli i vysłali prezidenta, jaki zachacieŭ padoŭžyć svoj termin na refierendumie.
U hetaj krainie vajskoŭcy skinuli i vysłali prezidenta, jaki zachacieŭ padoŭžyć svoj termin na refierendumie.
Ministerstva zamiežnych spraŭ Biełarusi rašuča asudžaje hvałtoŭnaje adchileńnie ad ułady hrupaj asob zakonna vybranaha prezidenta Handurasa i jaho vysyłku z krainy.
Ab hetym zajaviŭ siońnia pres-sakratar zamiežnapalityčnaha viedamstva Andrej Papoŭ, adkazvajučy na pytańnie ab tym, jak u MZS mohuć prakamienciravać biahučyja ŭnutrypalityčnyja padziei ŭ Handurasie, paviedamili karespandentu BIEŁTA ŭ ministerstvie.
«Ličym, što tolki ŭvieś narod Handurasa ŭ ramkach Kanstytucyi svajoj dziaržavy maje prava vyrašać, jakim pavinien być dziaržaŭny ład u hetaj krainie», - padkreśliŭ aficyjny pradstaŭnik MZS.
«Asablivuju tryvohu vyklikajuć u nas paviedamleńni ŭ ŚMI ab hvałtoŭnych dziejańniach, pryniatych adnosna kiraŭnictva pasolstvaŭ Vieniesueły, Kuby i Nikarahua, akredytavanych u Handurasie, - adznačyŭ Andrej Papoŭ. - Raźličvajem na biezadkładnaje viartańnie situacyi ŭ Handurasie ŭ pravavoje rečyšča, a taksama na biezumoŭnaje pavažańnie hetaj krainy svaich mižnarodnych abaviazacielstvaŭ, uklučajučy adpaviednyja pałažeńni Vienskaj kanviencyi ŭ častcy harantyj biaśpieki dypłamatyčnych pradstaŭnikoŭ zamiežnych dziaržaŭ».
Kamientary