Dyrektara ivent-ahienctva aštrafavali na 2175 rubloŭ za toje, što na arhanizavanym im kancercie «Pošłaj Moli» hledačy skandavali «Žyvie Biełaruś!»
8 červienia ŭ sudzie Kastryčnickaha rajona Minska prajšoŭ sud nad dyrektaram ivent-ahienctva Antonam Sasnoŭskim, jaki arhanizoŭvaŭ kancert hrupy «Pošłaja Moli» 26 maja.
Na dyrektara skłali pratakoł pa č.2 art. 24.23 KaAP (parušeńnie ŭstanoŭlenaha paradku arhanizacyi abo praviadzieńnia masavaha mierapryjemstva) zhodna ź jakim, «26 traŭnia z 19:00 da 22:00 Sasnoŭski, parušyŭ paradak arhanizacyi i praviadzieńnia kancerta hurta «Pošłaja Molli», padčas jakoha prysutnyja hramadzianie vykazvali svoj hramadska-palityčny nastroj šlacham vykrykvańnia łozunhaŭ «Žyvie Biełaruś!»».
Videa «pravaparušeńnia» vyjavili supracoŭniki milicyi 30 maja ŭ adnym z th-kanałaŭ, paviedamlajuć pravaabaroncy
Sasnoŭski patłumačyŭ sudździ Alaksandru Rudenku, što «dadzieny incydent adbyŭsia padčas kancertnaj paŭzy, jakaja ŭźnikła pa pryčynie techničnaj niaspraŭnaści i ŭ toj čas, kali kalektyŭ arhanizataraŭ zajmaŭsia likvidacyjaj dadzienaj techničnaj niaspraŭnaści, dla taho, kab kancert zmoh praciahnucca i arhanizavać biaśpieku hledačoŭ. Vykryki łozunhi naviedvalnikaŭ doŭžylisia nie bolš za 30 siekund i ŭ poŭnym abjomie trapili na videa».
Pa słovach Sasnoŭskaha, za ŭsie šeść hadoŭ dziejnaści nikoli z hetym nie sutykalisia i byli całkam zaniatyja likvidacyjaj niaspraŭnaści i nie viedali, jak na heta reahavać i jakija miery prymać. Paśla pachodu ŭ RUUS ivent-ahienstva atrymała poŭnyja instrukcyi i rekamiendacyi pa ŭzajemadziejańni, i nastupny kancert firmy, arhanizavany praz try dni, prajšoŭ bieź incydentaŭ i ŭ poŭnaj adpaviednaści z Zakonam ab masavych mierapryjemstvach i Kodeksam ab kultury.
U vyniku, sudździa Rudenka pryznaŭ Antona Sasnoŭskaha vinavatym i aštrafavaŭ na 2175 rubloŭ (75 bazavych vieličyniaŭ).
Milicyja vypadkova apublikavała VIDEA dla ŭnutranaha karystańnia — instrukcyju, jak treba pavodzić siabie z nasielnictvam2
Kamientary