Na Jeŭrabaskiecie zbornaja Biełarusi siensacyjna vyjhrała ŭ Ispanii
17 červienia ŭ Ispanii i Francyi pačaŭsia žanočy čempijanat Jeŭropy pa baskietbole. U startavym matčy biełaruski ŭziali vierch nad dziejnymi čempijonkami kantynienta — ispankami — ź likam 53:51 (16:14, 22:19, 22:18, 13:18).

Siońnia biełaruski praviaduć hulniu suprać słavačak, jakija 17 červienia sastupili šviedkam 57:74. Pačatak hulni ŭ 19:00 pa biełaruskim časie.
Cikava, što ŭčora palicyja vyvieła z areny zaŭziataraŭ baskietbolnaj zbornaj Biełarusi, u jakich byli bieł-čyrvona-biełyja ściahi.
Pa słovach zaŭziataraŭ, pradstaŭniki palicyi zajavili, što hetaja simvolika źjaŭlajecca niezarehistravanaj, jaje paprasili prybrać, a ŭ advarotnym vypadku hledačam daviadziecca pakinuć stadyjon.
Takija vypadki zdaralisia i raniej, zvyčajna inicyjatyva naležyć pradstaŭnikam biełaruskaha pasolstva, jakija patrabujuć ad miascovych pravaachoŭnikaŭ zmahacca ź simvolikaj. Tyja vykonvajuć pažadańni.
Kamientary