Pravaabaroncy: Za červień pa pratesnych kryminalnych spravach asudžana nie mienš za 125 čałaviek. U lidarach znoŭ Bresckaja vobłaść
Pravaabaroncy viaduć bieśpierapynny manitorynh palityčna matyvavanych kryminalnych spraŭ, zaviedzienych letaś z pačatku kampanii pa vybarach prezidenta, a taksama ŭ suviazi z pratestami suprać tatalnaj falsifikacyi ich aficyjnych vynikaŭ.
Pa stanie na 1 lipienia kolkaść palitviaźniaŭ, jakija adbyvajuć pakarańnie ŭ papraŭčych kałonijach, papraŭčych ustanovach adkrytaha typu, źmieščanyja ŭ SIZA i pad chatni aryšt, składaje 526 čałaviek. Ź ich 347 čałaviek užo asudžanyja da roznych terminaŭ pakarańnia, u dačynieńni da 61 — idzie sudovaje raźbiralnictva, jašče 118 palitviaźniaŭ čakajuć suda.
Za červień kolkaść palityčnych źniavolenych uzrasła na 88 čałaviek.
Pravaabarončamu centru «Viasna» viadoma pra nie mienš za 125 asudžanych pa «pratesnych» kryminalnych spravach u pieršym letnim miesiacy. Ź ich 20% składajuć žančyny, 80% — mužčyny.
Hieahrafija prysudaŭ pa «pratesnych« kryminalnych spravach u červieni vyhladaje nastupnym čynam:
- Minsk — 21 čałaviek;
- Bresckaja vobłaść — 40 čałaviek (Brest, Baranavičy, Biaroza, Pinsk, Kobryn, Hancavičy)
- Hrodzienskaja vobłaść — 21 čałaviek (Hrodna, Lida, Masty, Dziatłava, Kareličy, Śvisłač)
- Minskaja vobłaść — 12 čałaviek (Minski rajon, Salihorsk, Žodzina, Maładziečna, Staryja darohi)
- Mahiloŭskaja vobłaść — 11 čałaviek (Mahiloŭ, Babrujsk, Asipovičy, Kruhłaje)
- Homielskaja vobłaść — 14 čałaviek (Homiel, Žłobin, Śvietłahorsk, Mazyr)
- Viciebskaja vobłaść — 6 čałaviek (Viciebsk, Lepiel, Čašniki)
Vidy i pamiery pakarańnia pa «pratesnych» kryminalnych spravach
Sumarna za červień pa palityčna matyvavanych kryminalnych spravach, viadomych «Viaśnie», sudy vynieśli:
- 131 hod 9 miesiacaŭ pazbaŭleńnia voli dla 44 čałaviek;
- 71 z pałovaj hod abmiežavańnia voli z nakiravańniem u papraŭčuju ŭstanovu adkrytaha typu («chimija») dla 34 čałaviek;
- 63 hady abmiežavańni voli biez nakiravańnia ŭ papraŭčuju ŭstanovu adkrytaha typu («chatniaja chimija») dla 38 čałaviek;
- 1 hod i 3 miesiacy aryštu dla 5 čałaviek;
- 500 bazavych vieličyń štrafu dla 4 čałaviek.
Ciapier čytajuć
Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»2
Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»
Maksim Znak pra pres-kanfierencyju va Ukrainie: My damovilisia nie ŭzdymać najbolš balučyja temy — katavańniaŭ, sankcyj, vajny. Moža, musili my pa-inšamu zrabić99
Kamientary