Bolš žorstkija ŭmovy ŭjezdu ŭ Hiermaniju ŭstupili ŭ siłu z 1 žniŭnia. Ciapier usie turysty ad 12 hadoŭ pavinny mieć pry ŭjeździe ŭ FRH admoŭny vynik testu na karanavirus, ci ž paśviedčańnie ab poŭnaj vakcynacyi, ci paćvierdžańnie niadaŭniaha vyzdaraŭleńnia ad COVID-19.
Raniej hetyja patrabavańni tyčylisia tolki pasažyraŭ avijakampanij, ale ciapier raspaŭsiudžvajecca i na asob, jakija prybyvajuć u Niamieččynu aŭtamabilem ci aŭtobusam, pa čyhuncy abo marskim transpartam. Praviła budzie dziejničać nie tolki dla zamiežnikaŭ, ale i žycharoŭ FRH, jakija viartajucca ź inšych krain.
Pry hetym pravierki na suchaputnych miežach krainy buduć nasić vybaračny charaktar. Padčas ich padarožniki pavinny buduć pradastaŭlać adpaviednyja dakumienty. Padčas pierasiačeńnia miažy ŭ ciahnikach pravierki buduć ažyćciaŭlać padčas jaho ruchu. Pry avijapadarožžach pasažyry pavinny buduć padavać dakumienty pierad pasadkaj u samalocie.
Taksama z 1 žniŭnia ŭ Hiermanii źmianiajecca kłasifikacyja zon ryzyki adnosna zachvorvańnia na COVID-19. Z hetaha času zamiest troch zastajucca tolki dźvie katehoryi: zona raspaŭsiudžvańnia varyjanta karanavirusa i zona vysokaj ryzyki. Tyja, chto viartajecca z hetych zon, pavinny zarehistravacca na ŭradavym partale.
Pry ŭjeździe z zony raspaŭsiudžvańnia varyjanta karanavirusa testavańnie źjaŭlajecca abaviazkovym navat dla tych padarožnikaŭ, jakija całkam vakcynavany abo pierachvareli na COVID-19.
Ale navat u vypadku niehatyŭnaha vyniku testu ŭ Hiermanii treba prajści 14-dzionny karancin, jaki nielha skaracić.
Vakcynavanyja asoby, jakija viartajucca z zon vysokaj ryzyki, pavinny na 10 dzion iści ŭ karancin, jaki, adnak, možna spynić paśla piaci dzion u vypadku niehatyŭnaha vyniku testu na karanavirus. Dla dziaciej va ŭzroście da 12 hadoŭ karancin doŭžycca piać dzion. Na padarožnikaŭ, jakija całkam vakcynavany abo pierachvareli na COVID-19, heta patrabavańnie nie raspaŭsiudžvajecca.
-
«Zmahacca za svajo žyćcio kožny čortaŭ dzień». Amierykanski repier vahoj 220 kh vyjšaŭ na scenu z kisłarodnym bałonam FOTY
-
«U Hruzii niama zacemientavanaj aŭtarytarnaj dziaržavy z žorstkaj viertykallu». Biełarus raskazaŭ, u čym śpiecyfika hruzinskich pratestaŭ
-
Pa damoŭlenaści ź siryjskimi paŭstancami bajcy kurdskich Siryjskich demakratyčnych siłaŭ pakinuli rajon Alepa
«Možna ŭziać aŭtamat i pierasiekčy miažu?» Pavuk spytaŭ u pamiežnikaŭ, ci zakonna rasijskija vojski ŭ 2022 hodzie pierajšli biełaruska-ŭkrainskuju miažu66
Kamientary