Rasijski pravaabaronca, udzielnik savieckaha dysidenckaha ruchu Siarhiej Kavaloŭ pamior u Maskvie va ŭzroście 91 hoda.
Siarhiej Adamavič Kavaloŭ byŭ pavodle adukacyi bijołah, z 1960-ch hadoŭ zajmaŭsia hramadskaj i pravaabarončaj dziejnaściu.
U 1966 hodzie arhanizavaŭ u Instytucie bijafiziki zbor podpisaŭ pad zvarotam u prezidyum Viarchoŭnaha Savieta SSSR u abaronu Siniaŭskaha i Daniela. A z 1968 hoda staŭ aktyŭnym udzielnikam ruchu ŭ abaronu pravoŭ čałavieka ŭ SSSR. Z 1971 hoda byŭ adnym z hałoŭnych udzielnikaŭ vydańnia «Chroniki biahučych padziej» — mašynapisnaha infarmacyjnaha biuletenia savieckich pravaabaroncaŭ.
U 1974 h. Kavalova aryštavali pa abvinavačvańni ŭ «antysavieckaj ahitacyi i prapahandzie». Praz hod sud u Vilni prysudziŭ jamu siem hadoŭ źniavoleńnia. Termin adbyvaŭ u kałonii strohaha režymu «Pierm-36» i ŭ Čystapolskaj turmie; zatym u vysyłku byŭ adpraŭleny ŭ Mahadanskuju vobłaść.
Paśla padzieńnia SSSR braŭ aktyŭny ŭdzieł u pravaabarončaj dziejnaści ŭ Rasii, ź vialikaj simpatyjaj staviŭsia da biełaruskaha demakratyčnaha ruchu.
Ciapier čytajuć
Ministr kultury vyciahnuŭ u efir čarhovaha Astapa Bendara. I heta stała apošniaj kroplaj: suprać hetaha fiermiera-chvalka vystupiła siamja16
Kamientary