Ad sierady, 11 žniŭnia, i da 10 listapada režym nadzvyčajnaj situacyi budzie dziejničać u Łudzienskim, Krasłaŭskim, Aŭhšdaŭhaŭskim krajach i horadzie Daŭhaŭpiłs.
Pamiežnikam dazvolena vykarystoŭvać fizičnuju siłu i śpiecyjalnyja srodki, kab nieadkładna viartać u Biełaruś ludziej, jakija niezakonna pierajšli dziaržaŭnuju miažu, paviedamlaje Delfi.lt.
Nacyjanalnyja ŭzbrojenyja siły i Dziaržaŭnaja palicyja pavinny dapamahać pamiežnikam nie dapuskać niezakonnaje pierasiačeńnie łatvijska-biełaruskaj miažy, a taksama zahadvać nielehalnym mihrantam adpraŭlacca nazad u Biełaruś.
Taksama vajskoŭcy i palicejskija pavinny dapamahać pamiežnikam pierakonvacca ŭ tym, što niaprošanyja hości vykanali takoje rasparadžeńnie, a taksama pravodzić nieabchodnyja mierapryjemstvy, kab mihranty viarnulisia ŭ Biełaruś.
Było pryniata rašeńnie i pra toje, što na terytoryi, dzie dziejničaje režym nadzvyčajnaj situacyi, strukturnyja padraździaleńni Dziaržaŭnaj pamiežnaj słužby i inšyja ŭstanovy nie prymajuć zajavy ab pradastaŭleńni statusu biežanca abo alternatyŭnaha statusu.
Ciapier čytajuć
Usie biełaruskija banki pačnuć sačyć za miescaznachodžańniem klijentaŭ? Alfa-bank užo papiaredziŭ, admovicca niemahčyma12
Usie biełaruskija banki pačnuć sačyć za miescaznachodžańniem klijentaŭ? Alfa-bank užo papiaredziŭ, admovicca niemahčyma
Kala Safii ŭ Połacku pastavili pomnik lotčykam Ničyparčyku i Kukanienku. Ale navat nie samalot toj madeli, na jakoj jany zahinuli, a aerapłan stalinskaha času1919
Kamientary