Sa śniežnia pradukcyja «Biełaruśkalija» bolš nie budzie pieravozicca praź Litvu.
Jak paviedamiŭ ministr transpartu i kamunikacyj Maryus Skuodzis, na heta paŭpłyvali abvieščanyja ZŠA ŭ paniadziełak sankcyi, pad jakija trapiŭ u tym liku i «Biełaruśkalij».
Sa słoŭ ministra, pieravozki spyniacca, jak tolki sankcyi ŭvojduć u dziejańnie, a heta zdarycca ŭ śniežni, piša Delfi.lt.
Vydańnie taksama paviedamlaje, što kampanija Litoŭskija čyhunki, jakaja pieravozić pradukcyju «Biełaruśkalija» praź Litvu, stracić praz heta kala 20 młn jeŭra.
Ekanamist Jarasłaŭ Ramančuk adznačaŭ: kali krainy Zachadu pierakryjuć ekspart kaliju, naftapraduktaŭ, uhnajeńniaŭ, chimičnych tavaraŭ, dreva i cemientu, a takija varyjanty razhladajucca, ekanomika Biełarusi apyniecca pad najmacniejšym udaram. Straty składuć ad 15 da 20 pracentaŭ VUP.
«Dla našaj ekanomiki heta budzie padobna tamu padzieńniu, jakoje było paśla razvału Savieckaha Sajuza. Heta najmahutny ŭdar pad dych. Nie vyratuje ničoha z taho, što my siońnia majem», — ličyć ekśpiert.
«Lena 20 rubloŭ» uziałasia za staroje: znakamitaja machlarka znoŭ razvodzić davierlivych biełarusaŭ3
Kamientary