Kolkaść achviar terakta kala aeraporta Kabuła pieravysiła 100 čałaviek
U vyniku dvuch vybuchaŭ 26 žniŭnia ŭ rajonie aeraporta Kabuła zahinuli bolš za 100 čałaviek, u tym liku 13 vajskoŭcaŭ ZŠA i 90 afhancaŭ.
Jašče 18 amierykanskich vajskoŭcaŭ atrymali ranieńni. Ich evakujujuć z Afhanistana na samalotach C-17, abstalavanych chirurhičnymi modulami.
Jak adznačaje vydańnie, hety terakt staŭ samym śmiarotnym dla amierykanskich vajskoŭcaŭ u Afhanistanie z 2011 hoda. Raniej kiraŭnik Centralnaha kamandavańnia Uzbrojenych Sił ZŠA hienierał Kienet Makienzi zajaviŭ, što vajskoŭcy čakajuć novych napadaŭ.
Napiaredadni ŭ Kabule adbyŭsia vybuch kala aeraporta, dzie prachodziła evakuacyja zamiežnikaŭ i miascovych žycharoŭ. Nieŭzabavie jašče adzin vybuch prahrymieŭ kala haścinicy Baron, dzie raźmiaščalisia ludzi, jakija płanavali źjechać z Afhanistana. U Pientahonie zajavili, što terakt ździejśnili bajeviki «Isłamskaj dziaržavy». ŚMI paviedamlali, što ID ŭziała na siabie adkaznaść za vybuchi, paśla hetaha prezident ZŠA Džo Bajden zahadaŭ nanieści ŭdary pa bajevikach ID.
Ciapier čytajuć
Poŭny śpis palitviaźniaŭ, vyzvalenych 13 śniežnia6
Kamientary