У выніку двух выбухаў 26 жніўня ў раёне аэрапорта Кабула загінулі больш за 100 чалавек, у тым ліку 13 вайскоўцаў ЗША і 90 афганцаў.
Яшчэ 18 амерыканскіх вайскоўцаў атрымалі раненні. Іх эвакуююць з Афганістана на самалётах C-17, абсталяваных хірургічнымі модулямі.
Як адзначае выданне, гэты тэракт стаў самым смяротным для амерыканскіх вайскоўцаў у Афганістане з 2011 года. Раней кіраўнік Цэнтральнага камандавання Узброеных Сіл ЗША генерал Кенэт Макензі заявіў, што вайскоўцы чакаюць новых нападаў.
Напярэдадні ў Кабуле адбыўся выбух каля аэрапорта, дзе праходзіла эвакуацыя замежнікаў і мясцовых жыхароў. Неўзабаве яшчэ адзін выбух прагрымеў каля гасцініцы Baron, дзе размяшчаліся людзі, якія планавалі з'ехаць з Афганістана. У Пентагоне заявілі, што тэракт здзейснілі баевікі «Ісламскай дзяржавы». СМІ паведамлялі, што ІД ўзяла на сябе адказнасць за выбухі, пасля гэтага прэзідэнт ЗША Джо Байдэн загадаў нанесці ўдары па баевіках ІД.
Цяпер чытаюць
«Быў галодны, як з Асвенціма, не еў ні мяса, ні гародніны». Што вядома пра смерць бабруйскага журналіста, на якога завялі крымінальную справу ў Польшчы1616
Каментары