Minskaja firma pradaje kukuruznyja pałački z układzienymi ŭ pakunak zusim niedziciačymi cackami. Niekatoryja ź ich zabaronienyja dla prodažu Minskim haradskim centram hihijeny i epidemijałohii.
Minskaja firma pradaje kukuruznyja pałački z układzienymi ŭ pakunak zusim niedziciačymi cackami. Niekatoryja ź ich zabaronienyja dla prodažu Minskim haradskim centram hihijeny i epidemijałohii.
Hazieta «Viečiernij Briest» nadrukavała historyju pra toje, jak babula vyrašyła paciešyć unukaŭ padarunkami. Nabyła na rynku padarunkavy nabor — pakunak kukuruznych pałačak z układzienaj u siaredzinu cackaj. Nabor nazyvaŭsia «Łaki Boj» «Kukuruznyja pałački dla chłopčykaŭ». Vytvorca — minskaja firma «Mun Łajt Ejč Ef Džej Džej». U jakaści padarunka ŭ pakunku apynułasia…kałoda kartaŭ, pry hetym zusim nie dziciačaha źmiestu: na malunkach — deman-byk, djabał Vada, deman-boh vady Suha. Cacka, u adroźnieńnie ad pałačak, była kitajskaha pachodžańnia, tamu tekst na kartach byŭ na dosyć słaboj rasijskaj movie. Ale malunki i tłumačalny tekst da ich vyklikajuć pytańni. Naprykład:
«Taki instrumient dla dopytu pad katavańniem, jak nož z vostrym trunkam». I kamientar da malunka: «Zachapić nož z vostrym trunkam i pasiekčy niepryjaciela nadvoje. Terarystyčny instrumient dla dopytu pad katavańniem».U dadatak da ŭsiaho, ad «padarunka» sychodzić mocny atrutny chimičny pach, piša «VB».
Pra atrutny pach naboraŭ «Łaki Boj» možna daviedacca na forumie sajtu Rebenok.by. Udzielnica forumu apisvaje historyju z naboram dla dziaŭčynak, jaki nabyła svaim dzieciam.
Mocny niepryjemny chimičny pach ad cacak, što znachodzilisia ŭ pakunku, doŭha nie mahli vyvietryć z kvatery.
Varta adznačyć, što niekatoryja cacki «Mun Łajt Ejč Ef Džej Džej» fihurujuć ŭ śpisie pradukcyi, adchilenaj ad dziaržaŭnaj hihijeničnaj rehistracyi ŭ lutym 2009 hodu adździełam dziaržaŭnaj hihijeničnaj rehistracyi Minskaha haradskoha centru hihijeny i epidemijałohii pa vynikach łabaratornych daśledavańniaŭ. Tak, partyja cacačnych kačak (3097 št.) kitajskaha vytvorcy «Chenghai Shun Feng Long Toys Industrial Co. Ltd» nie prajšli hihijeničnuju rehistracyju praź pieravyšeńnie ŭzroŭniu mihracyi fienołu ŭ madelnaje asiarodździe.
Pahladzieli film «Piaščotna da siabie», źniaty pa dzika papularnaj biełaruskaj knizie — pra zaciukanuju žančynu, jakuju chočuć zrabić dla ŭsich zručnaj33
Kamientary