«Ludzi pytalisia, ci budzie hrachom pryščaplacca». Što alšanski pastar kaža pra vakcynacyju?
U 8-tysiačnaj vioscy Alšany za ŭvieś čas pracy punkta vakcynacyi pryščapiŭsia tolki adzin čałaviek, i toj — ź inšaj vioski. Mabilny punkt u vyniku zakryli. Niežadańnie vakcynavacca miascovaja rajonka źviazała z relihijnymi pierakanańniami miascovych žycharoŭ, jakija ličać, što vakcyna «ad niačystaha». A što kaža alšanski pastar? «Naša Niva» źviazałasia ź im.
«Niapraŭda, što my pierakonvajem ludziej nie pryščaplacca. U carkvy niama praduziataści. My nie vučym: maŭlaŭ, heta hrech, nie idzicie, — adkazaŭ pastar carkvy chryścijan viery jevanhielskaj Vasil Simanovič. — U nas staŭleńnie takoje — heta prava kožnaha čałavieka. I kali čałaviek ličyć patrebnym pryščapicca — nijakich prablem z našaha boku niama.
Da mianie źviartalisia ludzi pa parady. Kazali niekatoryja, što ich prymušajuć pryščaplacca na pracoŭnych miescach. Pytalisia: jak vy ličycie, ci budzie hrachom pryščaplacca? Ja daŭ taki adkaz: ni ŭ jakim razie, možacie śmieła vakcynavacca.
A ź inšaha boku, schilać ludziej my nie majem prava — ni z adnaho, ni ź inšaha boku. Heta nie relihijnaje pytańnie — pytańnie vyklučna zdaroŭja ludziej. I kožny maje prava na svajo mierkavańnie. Ale zabarony na relihijnaj hlebie niama».
Pa słovach pastara, u Alšanach usio ž jość niekalki vakcynavanych. Svajaki jaho, naprykład, rabili pryščepku, ale nie ŭ mabilnym punkcie. Sam pastar jašče nie vakcynavaŭsia.
Na tranślacyjach z apošnich słužbaŭ bačna, što prychadžanie ŭ carkvie nosiać maski.
Čytajcie taksama:
«Davodziłasia vybirać, addać preparat pažyłomu pacyjentu ci pakinuć dla bolš pierśpiektyŭnaha». Byłaja doktarka pra žachlivaje zakuliśsie epidemii
Što viadoma pra biełarusa Viktara Paviełku, jakoha ŭ Polščy padazrajuć u arhanizacyi napadaŭ na rasijskich apazicyjanieraŭ1
Kamientary