Stała viadoma, kolki rabotnikaŭ roznych śfier prajšli vakcynacyju ad kavidu
Poŭny kurs vakcynacyi suprać COVID-19 na 20 kastryčnika prajšli kala 84% rabotnikaŭ sistemy achovy zdaroŭja i bolš za 52% rabotnikaŭ ustanoŭ adukacyi, jak paviedamlaje sajt Respublikanskaha centra hihijeny, epidemijałohii i hramadskaha zdaroŭja.
Zaviaršyli vakcynacyju bolš za 71% rabotnikaŭ ustanoŭ z kruhłasutačnym znachodžańniem hramadzian i sacyjalnych rabotnikaŭ, 94% čałaviek starejšych za 18 hadoŭ, jakija pražyvajuć va ŭstanovach z kruhłasutačnym režymam znachodžańnia, a taksama kala 40% ludziej starejšych za 60 hadoŭ i ludziej z chraničnymi zachvorvańniami.
Poŭny kurs vakcynacyi suprać COVID-19 taksama prajšli bolš za 25% rabotnikaŭ handlu i hramadskaha charčavańnia, kala 37% — śfiery bytavoha absłuhoŭvańnia, bolš za 30% — transpartnych arhanizacyj, ustanoŭ kultury i sportu, słužby ŽKH (uklučajučy enierha- i vodazabieśpiačeńnia). Vakcynacyja nasielnictva praciahvajecca.
Kamientary