Viarnuŭšysia ŭ Irak, mihranty dajuć pieršyja intervju i raskazvajuć pra pastku na miažy
Paśla viartańnia ŭ Irak na evakuacyjnym rejsie Iraqi Airways, byłyja mihranty raskazali SkyNews pra toje, jak ź imi abychodzilisia na biełaruska-polskaj miažy. «Ni kaliva čałaviečnaści».
Učora ministerstva zamiežnych spraŭ Iraku arhanizavała pieršy biaspłatny rejs pa evakuacyi svaich hramadzian. Kala 430 čałaviek zarehistravalisia na hety rejs Iraqi Airways. 390 ź ich prylacieli ŭ Erbil, stalicu Kurdystanu, aŭtanomnaha rehijonu ŭ Iraku. Paśla viartańnia, ludzi dali pieršyja interv́ju ź Iraku pra svoj biełaruski dośvied.
Žančyna ź dziciem na rukach kaža, što jaje siamja praviała 20 dzion na miažy — za čas usiaho padarožža jany razam patracili 25 tysiač dalaraŭ. Jana dadaje, što kantrabandysty abiacali dobraje žyćcio na Zachadzie — ale heta ŭsio chłuśnia.
Starejšaja kabieta dadaje, što ź imi abychodzilisia tak, niby jany nie ludzi — na ich puskali haz, ich palivali vadoj.
Mužčyny kažuć, što imi hulalisia abodva baki, niby jany niejki futbolny miačyk.
«Ni kaliva čałaviečnaści», — skardzicca adzin z repatryjantaŭ.
Admietna, što byłyja mihranty havorać ahułam pra biełaruski i polski bok, vinavaciačy biez razboru i tych i tych.
Ci buduć jašče takija rejsy, dakładna nieviadoma. MZS Iraku kaža, što jany praciahvajuć rehistravać achvočych viarnucca. Ale ź interv́ju mihrantaŭ zamiežnym vydańniam stanovicca vidavočna, što mnohija ludzi nastrojenyje nie viartacca ŭ Irak ni ŭ jakim razie.
Biežaniec ci mihrant? U čym roźnica i čamu nazyvać ekanamičnych mihrantaŭ «biežancami» aznačaje škodzić samim biežancam?
«Navat viedajučy, što mianie čakaje śmierć napieradzie, ja nie chaču pamirać tut». Čamu kurdskaja moładź masava pakidaje Irak?
«My dla ich — miasa». Palitviazień vyjšaŭ ź miełanomaj, jon uskładaje vinu na načalnicu sančaści i prymusovaje haleńnie hałavy6
Kamientary