Hienieralny sakratar NATA Jens Stołtenbierh zajaviŭ, što pahrozu ŭvarvańnia Rasii va Ukrainu nielha ličyć blefam. Pry hetym jon padkreśliŭ, što lubyja dalejšyja ahresiŭnyja dziejańni Rasii buduć mieć surjoznyja nastupstvy, piša RBK-Ukraina.
«My bačym, što ŭžo druhi raz u hetym hodzie Rasija masiruje tysiačy vojskaŭ na ŭkrainskaj miažy. Heta ŭklučaje ŭ siabie vajennuju techniku, takuju jak tanki, artyleryja i bieśpiłotniki, a taksama naziemnyja vojski. Ja nie mahu razvažać ab namierach Rasii. Ale my bačyli, što Rasija i raniej užyvała siłu suprać svaich susiedziaŭ. Tamu my nie možam ličyć, što heta prosta blef», — zajaviŭ Stołtenbierh.
Pavodle jaho słoŭ, vajenny aljans zachoŭvaje pilnaść i ŭvažliva sočyć za situacyjaj.
«My budziem praciahvać padtrymlivać Ukrainu palityčna i praktyčna, kab kraina mahła abaranić siabie ad ahresii», — zajaviŭ jon.
Stołtenberh skazaŭ, što sajuźniki jasna dali zrazumieć, što lubyja dalejšyja ahresiŭnyja dziejańni buduć mieć surjoznyja nastupstvy.
«Ja zaklikaju Rasiju da źnižeńnia napružanaści i deeskałacyi. U toj ža čas my pa-raniejšamu adkrytyja dla dyjałohu z Rasijaj. Kali napružanaść vysokaja, dyjałoh stanovicca jašče bolš važnym», — padkreśliŭ hienieralny sakratar NATA.
«Vialiki absalutna čałaviek». Kola Łukašenka raskazaŭ, što dla jaho baćka i ŭ čym jahonaja apazicyjnaść37
Kamientary