«Dla mianie pavodziny Eduarda na sudzie nie stali niečakanaściu», — žonka Palčysa pra pačatak pracesu
U Minskim haradskim sudzie praciahvajecca razhlad kryminalnaj spravy ŭ dačynieńni da błohiera Eduarda Palčysa. Sud zrabili zakrytym. Na pačatku pracesu palitviazień admoviŭsia ŭstavać, zajaviŭ advod sudździ Piatru Arłovu i paprasiŭ vydalić siabie z zały.
«Svaboda» pahavaryła z žonkaj Eduarda Viktoryjaj Palčys, daviedalisia, jak jana ŭspryniała ŭčynak muža. Viktoryja ciapier žyvie za miažoj i, naturalna, na sudzie jana nie prysutničaje. Na sudovaje pasiedžańnie ŭ Minsk pryjechali baćki Eduarda, jakija žyvuć u Lidzie.
«Baćki byli ŭ zale pasiedžańnia, bačyli syna, ale nie mahli navat pamachać, žestami pryvitacca, bo sudździa ich spyniŭ: «nievierbalnyja znaki nie dazvolenyja». Jany kažuć, što jon dobra trymajecca, dobra vyhladaje, krychu schudnieŭ, ale vielmi bledny, bo bolš za hod nie bačyŭ sonca. Prykładna ciaham hadziny jany znachodzilisia ŭ zale, ale potym praces zrabili zakrytym, i ŭsich vystavili», — kaža Viktoryja.
Jana pryznajecca, što nie była ździŭlenaja ŭčynkam Eduarda, kali jon nazvaŭ sud «cyrkam» i zajaviŭ, što nie choča ŭ im udzielničać. Da taho ž paprasiŭ vydalić z zały i jaho samoha.
«Ja nie mahu skazać, što čakała, što Eduard niešta takoje zrobić. Ale ja i nie mahu skazać, što dla mianie heta stała niečakanaściu. Bo Eduard vielmi ščyry ŭ svaich pavodzinach, i dla jaho takija rečy, jak pavaha da suda, — heta nie simvaličny žest. To bok ustać pierad sudździoj, kali jon nie pavažaje sud, dla jaho nieprymalna. Pašanu jon nie budzie prajaŭlać, kali nie ličyć sud sapraŭdnym i spraviadlivym. To bok dla mianie heta nie stała niečakanym».
«Mnie padajecca, što Raman Pratasievič saboj užo nie rasparadžajecca»
Viktoryja viedaje, što adnym sa śviedak na sudzie budzie Raman Pratasievič, ź jakim siamja Palčysaŭ raniej siabravała.
«My z Romam raniej časta stasavalisia, Roma byvaŭ u nas z Edzikam u haściach. Chłopcy razam stajali ŭ Kurapackaj vachcie, u Eduarda i Ramana byli siabroŭskija, tavaryskija adnosiny.
Ciapier, mnie zdajecca, Roma ŭ vielmi składanaj sytuacyi. Ja nie viedaju, jak jon budzie siabie pavodzić u jakaści śviedki, bo jon užo pajšoŭ pa šlachu supracoŭnictva.
I kali jon čakaŭ sumlennaści, ščyraści z taho boku, kštałtu «ja vam skažu toje i toje, usio raskažu, a vy za heta adpaviedna pastaviciesia da mianie», — jon mocna pamylaŭsia. I ciapier Raman robicca niejkim instrumientam u ich rukach. Tamu ja jamu mocna nie zajzdrošču. Nie viedaju, što jon budzie ŭ sudzie kazać, ale mnie padajecca, što Raman Pratasievič saboj užo nie rasparadžajecca», — vykazała mierkavańnie Viktoryja Palčys.
Za niekalki dzion da pačatku pracesu Viktoryja Palčys u interviju «Svabodzie» pryznałasia, što ŭśviedamlaje, na jaki vialiki termin mohuć asudzić jaje muža. Ale aptymizmu jana nie tracić.
«Treba malicca za Eduarda, za ŭsiu situacyju ŭ krainie, kab jana chutčej vyrašyłasia. Tamu što nie moža tak doŭha trymacca takoje vidavočnaje i nieprychavanaje zło. Tamu najpierš treba malicca.
Treba pisać listy palitviaźniam, choć jany drenna dachodziać. Mnie padajecca, heta vielmi važna i dla tych ludziej, što pišuć: jany sami nie zabyvajucca pra palitviaźniaŭ u turmach, jakim patrebnaje spačuvańnie, dapamoha, i heta nadaje siły i tym, chto piša.
Zrazumieła, mnie trymacca vielmi dapamahaje dačka. Jana nadaje sił, emocyj, sensu žyć. Jość Emilija — heta značyć, jość što rabić, jość čym zaniacca», — pryznajecca Viktoryja.
Advakatka Eduarda Palčysa pad padpiskaj ab nierazhałošvańni. Jana paviedamlaje tolki ahulnuju infarmacyju — jak zdaroŭje, jak nastroj. Na jaje dumku, sud nie budzie iści doŭha, prysud mohuć abviaścić da novaha hoda.
Eduarda Palčysa abvinavačvajuć pavodle čatyroch artykułaŭ KK:
- art. 130 (naŭmysnyja dziejańni, nakiravanyja na ŭzbudžeńnie inšaj sacyjalnaj varožaści i varožaści pa prykmiecie inšaj sacyjalnaj prynaležnaści, učynienyja hrupaj asobaŭ, jakija pryviali da inšych ciažkich nastupstvaŭ);
- art. 293 (arhanizacyja masavych biesparadkaŭ);
- art. 342 (arhanizacyja dziejańniaŭ, što hruba parušajuć hramadski paradak);
- art. 361 (zakliki da dziejańniaŭ, nakiravanych na pryčynieńnie škody nacyjanalnaj biaśpiecy Respubliki Biełaruś).
Maksimalnaje pakarańnie pa hetych artykułach — da 12 hadoŭ źniavoleńnia.
«Dumała viarnucca ŭ Biełaruś, Edzik kaža: pakul nie varta». Jak i čym siońnia žyvie Viktoryja Palčys
«Zatumańvaŭ śviadomaść hramadzian». Zavieršana rasśledavańnie kryminalnaj spravy ŭ dačynieńni da Eduarda Palčysa
Raman Pratasievič prachodzić śviedkam. Što viadoma pra zakryty sud nad Eduardam Palčysam
Pačaŭsia sud nad Eduardam Palčysam. Sud zrabili zakrytym
Stała viadoma, čamu pieramožca biełaruskaha adboru «Mis Suśviet» nie jedzie na konkurs. Jana znajšłasia ŭ SIZA8
Kamientary