Mužčyna, jaki ŭklučyŭ «Mury» pad Akreścina, raspavioŭ pra svajo zatrymańnie
11 kastryčnika 37-hadovy Rusłan Bahdanoŭski pad ścienami Akreścina ŭklučyŭ pieśniu «Mury». Paśla jaho i chłopca, jaki byŭ ź im, zatrymali. Bahdanoŭskaha trymali 30 sutak u karcary ŭ niečałaviečych umovach i z pastajannymi pahrozami. 1 śniežnia mužčyna źjechaŭ z krainy i raspavioŭ pravaabaroncam pra svoj učynak i ŭmovy ŭtrymańnia.
Pa słovach Bahdanoŭskaha, jon pracavaŭ taksistam na Tesla i 11 kastryčnika pryjechaŭ na zamovu da nieznajomaha jamu klijenta. U darozie jany słuchali pieśni Michałka, hurta «Kino», a taksama «Mury». Ad hetaha ŭ mužčyn «pačała zakipać kroŭ ad biezzakońnia, što adbyvajecca ŭ krainie», tamu taksist prapanavaŭ novamu znajomu pajechać pad Akreścina i ŭklučyć «Mury», kab padtrymać aryštantaŭ. Toj pahadziŭsia.
Kala Akreścina mužčyny adčynili ŭ mašynie ŭsie vokny, luk, i, uklučyŭšy na ŭsiu hučnaść «Mury», prajechali ŭzdoŭž ścien CIP i IČU, potym raźviarnulisia i spynilisia niedaloka ad bramy ŭ izalatar. Praź niekalki chvilin vybieh načalnik IČU Ihar Kieniuch i pačaŭ zdymać usio na telefon. Pa słovach Bahdanoŭskaha, milicyjanier sprabavaŭ adčynić dźviery, ale mužčyny źjechali.
Bahdanoŭskaha zatrymali nieŭzabavie kala kramy: da jaho padjechali dva aŭtamabili DAI, adkul vybiehli šeść milicyjanieraŭ. U Maskoŭskim RUUSie na jaho skłali dva pratakoły: za pikietavańnie i za parušeńnie PDR. Tudy ž dastavili i pasažyra, paśla ich pieravieźli na Akreścina.
Paśla 15 sutak Bahdanoŭskaha advieźli ŭ Maskoŭski RUUS, dzie skłali pratakoł za drobnaje chulihanstva, nibyta mužčyna padčas prafiłaktyčnaj hutarki pačaŭ pavodzić siabie ahresiŭna, kryčać i ŭskokvać z kresła. Na nastupny dzień jamu prysudzili jašče 15 sutak.
Usie 30 sutak Rusłan prasiadzieŭ u adnym karcary, dzie ŭ roznyja dni było ad čatyroch da vaśmi čałaviek. Spać prychodziłasia blizka adzin da adnaho, kab nie źmierznuć.
Ni matracaŭ, ni duša, ni špacyru — tolki śviatło 24/7 i bietonnaja padłoha. Ciopłyja rečy ŭ aryštantaŭ taksama zabirali, supracoŭniki pahražali Bahdanoŭskamu.
Padčas aryštu mužčyna chvareŭ, ale nieabchodnaja miedycynskaja dapamoha aryštavanym nie akazvałasia. Z tabletak, jakija lekarka vydavała, byŭ tolki cytramon.
Ciapier Bahdanoŭski za miažoj i ab svaim učynku nie škaduje.
Stała viadoma, čamu pieramožca biełaruskaha adboru «Mis Suśviet» nie jedzie na konkurs. Jana znajšłasia ŭ SIZA14
Kamientary