U Šatłandyi znajšli nastolki redki mieč vikinhaŭ, što archieołahi bajacca da jaho dakranacca FOTA
Na Arkniejskich astravach kala Šatłandyi šeść hadoŭ tamu znajšli mieč vikinhaŭ. Ciapier archieołahi daviedalisia, što heta redki, dziŭny i tajamničy artefakt, piša Bi-bi-si.
Mieč znajšli na miescy pachavańnia jašče ŭ 2015 hodzie, adnak tolki ciapier, paśla ekśpiertyz, archieołahi pryjšli da vysnovy, što hety typ zbroi źviazany ź ICH stahodździem.
Renthien pakazaŭ, što rukajatka maje vytančanyja ŭzory, jakija ciažka razhledzieć z-za iržy.
Archieołahi z kamandy AOC Archaeology, jakija daśledavali mieč, skazali, što jon moža «raskazać šmat historyj».
Znajšli taksama futarał dla hetaha miača. Archieołahi spadziajucca daviedacca jašče bolš infarmacyi.
Kab zachavać mieč jak maha lepš, jany padniali jaho razam z płastom hleby i ŭ takim vyhladzie transpartavali ŭ łabaratoryju, dzie praciahnuli daśledavańni.
«Jon taki dalikatny, što my navat nie viedajem, jak vyhladaje jaho nižniaja častka, ale my abaviazkova daviedajemsia bolš u nastupnyja miesiacy», — kažuć archieołahi.
Padčas raskopak pablizu znajšli jašče šmat čaho, u tym liku dokazy redkaha pachavańnia łodki vikinhaŭ, a taksama druhuju mahiłu sa zbrojaj, dzie lažaŭ i mieč.
Archieołahi kažuć, što hetyja mahiły mohuć być pachavańniami pieršaha pakaleńnia narviežskich pasialencaŭ na Arkniejskich astravach.
Kamientary