Dziaržava ŭviała patrabavańni da fizičnych asob, jany musiać mieć dakumienty na tavar, navat kali pradajuć harodninu, vyraščanuju na svaim učastku.
Urad 10 śniežnia pryniaŭ papraŭki ŭ pastanovu «ab funkcyjanavańni rynkaŭ», piša thinktanks.by
Pradaŭcy — fizičnyja asoby abaviazanyja mieć pry sabie daviedku, vydadzienuju miascovym vykanaŭčym i rasparadčym orhanam. Daviedka pavinna paćviardžać, što pradukcyja vyraščanaja (vyrablenaja) na ziamielnym učastku, što znachodzicca na terytoryi Biełarusi.
Voś što nielha budzie pradavać na rynku biez hetaj daviedki:
— Harodninu i sadavinu, u tym liku ŭ pierapracavanym vyhladzie (vareńni, kampoty, džemy i h. d.).
— Inšuju pradukcyju raślinavodstva (za vyklučeńniem dekaratyŭnych raślin i kvietak, ich nasieńnia i rasady) — heta značyć, piatrušku, cybulu, sieldziarej, sałatu i h.d.
— małočnyja i kisłamałočnyja pradukty, u tym liku ŭ pierapracavanym vyhladzie — syry, tvaroh, masła i h. d.
— pradukcyju pčalarstva — miod, piarha, vosk i h. d.
— inšuju pradukcyju žyviołahadoŭli (akramia pušniny), — heta značyć, miasnyja pradukty, sała, kaŭbasy, jajki i h. d.
Administracyja rynka moža ŭ luby momant zapatrabavać pakazać takuju daviedku. I kali ŭ pradaŭca jaje nie budzie, to ź im mohuć skasavać dahavor ab pradastaŭleńni handlovaha miesca. Kolki budzie kaštavać daviedka, pakul nie viadoma.
Ciapier čytajuć
Ź Ministerstva kultury zvolnili pieršaha namieśnika Markava6
Kamientary