Što nasamreč abmiarkoŭvali Łukašenka i Pucin u Piciery? Viersija palitołaha
Učorašniaja sustreča Alaksandra Łukašenki i Uładzimira Pucina prajšła biez hučnych zajaŭ u kamplimientarna-chakiejnaj atmaśfiery. Heta toje, što trapiła ŭ presu. Ale što mahli abmiarkoŭvać za začynienymi dźviaryma?
«Tema, jakuju abmiarkoŭvali baki ŭ Sankt-Pieciarburhu, — kanstytucyjnaja reforma ŭ Biełarusi, — ličyć palitołah Valer Karbalevič. —
Dla Łukašenki było pryncypova važna atrymać padtrymku Pucinym taho varyjanta, jaki prapanavaŭ jon — što jon nikudy nie sychodzić, nijaki tranzit ułady nie źbirajecca ažyćciaŭlać.
To-bok taho, što kanstytucyjnaja reforma radykalna pamianiała svoj sens. Pieršapačatkova heta pavinien byŭ być miechanizm tranzitu ŭłady. Mienavita z rasijskaj padačy jon i zapuskaŭsia. A ciapier Łukašenka nikudy nie źbirajecca».
Na dumku palitołaha, Pucin svaju zhodu na novy varyjant Kanstytucyi daŭ.
«Ciapier momant rezkaha abvastreńnia kanfliktu z Zachadam, patrebny taki sajuźnik, jak Łukašenka — jaki moža trolić Zachad, pravakavać jaho. Tamu Pucin nie staŭ piarečyć».
Rasijskija ŚMI paviedamlali, što na sustrečy abmiarkoŭvalisia vyniki intehracyi ŭ ramkach Sajuznaj dziaržavy, sankcyi, pad jakimi Biełaruś vystajała, dziakujučy padtrymcy Rasii. Pucin prapanavaŭ dapuścić biełaruskija kampanii da dziaržzakupak u Rasii.
Anansavali sumiesnyja vajennyja vučeńni — u lutym ci sakaviku 2022-ha. Pisali, što Łukašenka prasiŭ Pucina pahłybić supracoŭnictva u vajennaj śfiery.
Adčytvalisia taksama pra vyniki tavaryskaha matču, dzie Pucin zakinuŭ siem šajbaŭ, a Łukašenka — dźvie.
Pieramovy Pucina z Łukašenkam zaviaršylisia. Kamplimientaŭ było šmat, kankretyki mała
Jak buduć raźvivacca adnosiny z Rasijaj? Što budzie paśla refierendumu? A z palitviaźniami? Prahnazujuć palitołahi
Stała viadoma, čamu pieramožca biełaruskaha adboru «Mis Suśviet» nie jedzie na konkurs. Jana znajšłasia ŭ SIZA14
Kamientary