Abstanoŭka ŭ Kazachstanie, dzie z pačatku studzienia pačalisia pratesty, što zatym pieraraśli ŭ biesparadki, «raźvivajecca ŭ bok stabilizacyi», paviedamiŭ prezident Kasym-Žamart Takajeŭ u telefonnaj razmovie z Uładzimiram Pucinym.
Prezidenty abmianialisia mierkavańniami ŭ suviazi ź mierami pa naviadzieńni paradku ŭ Kazachstanie, paviedamiła pres-słužba Kramla.
Takajeŭ padziakavaŭ partnioram pa Arhanizacyi Dahavora ab kalektyŭnaj biaśpiecy — i asabliva Rasii — za dapamohu. Raniej jon źviarnuŭsia da krain ADKB. Svoj zvarot jon patłumačyŭ tym, što za abvastreńniem abstanoŭki stajać terarysty. Dziaržavy ADKB, u tym liku Rasija i Biełaruś, nakiravali miratvorcaŭ.
U razmovie z Pucinym kazachstanski prezident prapanavaŭ u najbližejšyja dni pravieści videakanfierencyju Savieta kalektyŭnaj biaśpieki ADKB pad staršynstvam Armienii. Rasijski lidar sa svajho boku padtrymaŭ hetuju inicyjatyvu.
Siońnia Takajeŭ taksama mieŭ razmovu z Alaksandram Łukašenkam.
Kamientary