«Uparadkavali». Namieśnik ministra adukacyi prakamientavaŭ infarmacyju pra zakryćcio licejaŭ
Infarmacyju ab zakryćci ahulnaadukacyjnych licejaŭ u Biełarusi prakamientavaŭ haziecie «Źviazda» namieśnik ministra adukacyi Alaksandr Kadłubaj.
Čynoŭnik nahadaŭ, što raniej licei byli zapatrabavanyja tamu, što rabili staŭku na profilnaje navučańnie, ale siońnia profilnyja kłasy mohuć adkryvacca ŭ luboj ustanovie adukacyi.
«I paŭstała zakanamiernaje pytańnie: a čym ža tady licei adroźnivajucca ad staršaj stupieni škoły? Byŭ praviedzieny analiz ich dziejnaści. My daviedalisia, što ŭ niekatoryja ŭstanovy zaličvali navučencaŭ, jakija atrymali zusim nizkija bały na ŭstupnych ekzamienach. Jość licei, kudy mohuć trapić tolki haradskija dzieci, bo tam niama svajho internata. Bolš za toje, licei arandujuć pamiaškańni ŭ škoł. I niekatoryja nastaŭniki pracujuć paralelna i ŭ licei, i ŭ škole.
Tamu my prapanavali miascovym orhanam ułady ŭparadkavać rabotu licejaŭ. Adna z umoŭ — dać mahčymaść navučacca ŭ ich dzieciam ź luboha kutka krainy.
Pryjechaŭ, zdaŭ paśpiachova ekzamieny, prajšoŭ konkursny adbor, ciabie zabiaśpiečyli miescam u internacie — kali łaska, vučysia. Plus my ŭstanavili adzinyja dla ŭsich licejaŭ terminy pryjomu. Ciapier zajavy ŭ 10-ja kłasy buduć padavacca tolki na praciahu čatyroch dzion — z 12 da 15 červienia. Heta taksama tyčycca i Liceja BDU, kudy raniej školniki mahli padavać zajaŭki z krasavika da maja. Ustupnyja ispyty projduć z 16 červienia da 1 lipienia».
«Chaču zapeŭnić, što pra likvidacyju ahulnaadukacyjnych licejaŭ havorki nie idzie. Jany zachavalisia i ŭ Kodeksie ab adukacyi», — dadaŭ čynoŭnik.
Praviły pryjomu ŭ licei źmianili. Licej BDU straciŭ «pryvilei»
U Minsku ŭsio ž zakryvajuć dva licei. Baćki aburanyja, a čynoŭniki razvodziać rukami: «Vy sami viedajecie hetuju viertykal»
Ciapier čytajuć
Vybityja dźviery, maski-šou, zatrymańnie top-mieniedžaraŭ. Pačaŭsia pahrom «Jeŭraopta»27
Kamientary