Na Alimpijadu ŭ Piekin jeduć 28 spartsmienaŭ. Kiraŭnik NAK Viktar Łukašenka zastajecca doma
Siońnia adbyłosia pasiadžeńnie vykankama Nacyjanalnaha alimpijskaha kamiteta. Na im byŭ zaćvierdžany skład zbornaj Biełarusi na Zimovuju Alimpijadu ŭ Piekinie, jakaja projdzie z 4 pa 20 lutaha.
Kvalifikacyjnyja narmatyvy dla ŭdziełu ŭ Hulniach vykanali 28 atletaŭ u šaści vidach sportu.
Bijatłon
Dzinara Alimbiekava, Hanna Soła, Iryna Leščanka, Iryna Kručynkina, Alena Kručynkina, Anton Smolski, Maksim Varabiej, Mikita Łabastaŭ, Dźmitryj Łazoŭski, Raman Jalotnaŭ.
Frystajł
Hanna Huśkova, Hanna Dziaruha, Stanisłaŭ Hładčanka, Maksim Huścik, Pavał Dzik, Makar Mitrafanaŭ.
Kańkabiežny sport
Ihnat Hałavaciuk, Maryna Zujeva, Kaciaryna Słojeva, Hanna Nifantava, Jaŭhienija Varabjova.
Harnałyžny sport
Maryja Škanava.
Łyžnyja honki
Anastasija Kiryłava, Hanna Karalova, Alaksandr Voranaŭ, Jahor Špuntaŭ.
Fihurnaje katańnie
Viktoryja Safonava, Kanstancin Milukoŭ.
Mahčymyja tolki minimalnyja źmieny ŭ składzie kamandy pa bijatłonie. Šefam alimpijskaj kamandy zaćvierdžany dyrektar Centra pa zimovych vidach sportu «Raŭbičy» Alaksandr Hahijeŭ. U hetaj roli jon vystupaŭ na Alimpijadzie 2016 hoda.
Što tyčycca kiraŭnika NAK Viktara Łukašenki, to jon, pa infarmacyi ŚMI, nie źbirajecca ŭ Piekin. Viktar Łukašenka znachodzicca pad sankcyjami ES, a MAK nie pryznaŭ jaho novym staršynioj NAK Biełarusi. Mižnarodny alimpijski kamitet taksama admoviŭsia zaprašać na mierapryjemstvy ŭ ramkach Alimpijskich hulniaŭ vysokapastaŭlenych dziaržsłužačych Biełarusi ŭ suviazi ź ciskam na spartoŭcaŭ paśla vybaraŭ 2020 hoda.
***
Na Alimpijadzie-2018 Biełaruś zavajavała try miedali: zołata ŭ frystajle Hanny Huśkovaj i žanočaj zbornaj u bijatłonnaj estafiecie. Taksama srebra było ŭ Darji Domračavaj u mas-starcie. Krainu pradstaŭlali ŭ Karei 33 spartsmieny.
Kali Kanapackaja stała padkantrolnaja Łukašenku? Raskazvajuć jaje siabry8
Kamientary