«Dla našaj krainy heta niemahčyma»: premjer Ukrainy admoviŭsia ad pryniaćcia umoŭ Pucina
Patrabavańni rasijskaha prezidenta ab pryznańni Kryma rasijskim, admovie ad ustupleńnia ŭ NATO i demilitaryzacyja nievykanalnyja dla Ukrainy, zajaviŭ premjer krainy Dzianis Šmyhal.
«Vykanańnie umoŭ, ahučanych prezidentam Rasii ŭ adras Ukrainy, supiarečyć vybaru ŭkrainskaha hramadstva. Dla niezaležnaj, suvierennaj Ukrainy i dla mianie, jak premjer-ministra našaj krainy — heta niemahčyma», — napisaŭ Šmyhal u svaim Telegram-kanale.
U efiry telekanała ICTV jon paŭtaryŭ hetuju zajavu i padziakavaŭ ukraincam, jakija zachoŭvajuć spakoj, bo heta dazvalaje ŭtrymlivać ekanamičnuju i makraekanamičnuju situacyju ŭ stabilnaści, piša RBK.
Napiaredadni, 22 lutaha, prezident Uładzimir Pucin nazvaŭ niekalki umoŭ narmalizacyi adnosin z Ukrainaj.
Pavodle jaho, heta mahčyma, kali ŭkrainskija ŭłady pryznajuć vyniki refierendumu ŭ Krymie, admoviacca ad ustupleńnia ŭ NATO i pojduć na peŭnuju stupień demilitaryzacyi krainy.
«Pieršaje, što nieabchodna zrabić, — heta pryznać volevyjaŭleńnie ludziej, jakija pražyvajuć u Sievastopali i Krymie. Čym hetaje volevyjaŭleńnie horšaje za toje, što adbyłosia ŭ Kosavie? Dy ničym. Rašeńnie było pryniataje parłamientam, a tut — ahulnanarodnym refierendumam», — skazaŭ prezident.
Samastojnaja admova Kijeva ad ustupleńnia ŭ NATO, pa słovach Pucina, dazvoliła b «kaleham u zachodnich krainach nie hublać tvar».
Jak mučyli Cila Švajhiera i centry haradoŭ, kab stvaryć karcinku dla sudzimaha za machlarstva prateže Dźmitryja Baskava1
Kamientary